गोंयचो सायब वादावर मुख्यमंत्र्यांची सावध भूमिका

गोंयचो सायब प्रश्नाला मुख्यमंत्र्यांकडून बगल; एकता आणि शांतता अबाधित राखण्यासाठी प्रयत्नशील
गोंयचो सायब वादावर मुख्यमंत्र्यांची सावध भूमिका
CM Pramod Sawant Dainik Gomantak

पणजी : गोव्यात सध्या गोंयचो सायब कोण यावरुन रणकंदन माजलं आहे. सेंट फ्रान्सिस झेव्हिअर्सबाबत प्रा. सुभाष वेलिंगकर यांनी केलेल्या आक्षेपार्ह विधानाचे गोव्यात तीव्र पडसाद उमटले आहेत. मात्र मुख्यमंत्री डॉ. प्रमोद सावंत यांनी या वादापासून दूर राहणंच पसंत केल्याचं दिसत आहे. गोवा सरकार राज्यात शांतता आणि एकता अबाधित राखण्यासाठी प्रयत्नशील असून तेच राज्यासाठी गरजेचं असल्याचं मुख्यमंत्र्यांनी नुकतंच स्पष्ट केलं आहे.

CM Pramod Sawant
सेंट फ्रान्सिस झेविअरबाबत आक्षेपार्ह विधान, सुभाष वेलिंगकरांविरोधात तक्रार

आमच्याकडून कोणतंही पूर्वग्रहदूषित आणि आक्षेपार्ह वक्तव्य करण्यात आलेलं नाही. गोवाचं सांस्कृतिक वैभव पुढे नेण्यासाठी आणि एकता अबाधित राखण्यासाठी गोव्यात कायदा अस्तित्वात आहे. गोवा राज्य हे एकतेसाठी ओळखलं जातं. तसंच राज्याची वाटचाल प्रगतीपथावर होताना दिसत आहे. याच धर्तीवर गोवा सरकार सातत्याने जनतेसाठीच काम करत राहणार असल्याचं मुख्यमंत्री प्रमोद सावंत यांनी म्हटलं आहे.

CM Pramod Sawant
सुभाष वेलिंगकर दुसरे इंक्विजिशन आणू पाहत आहे : फादर व्हिक्टर फेर्राव

सुभाष वेलिंगकर यांनी परशुरामच गोव्याचे रक्षणकर्ते आहेत. त्यामुळे फ्रान्सिस झेवियरला ‘गोंयचो सायब’ म्हणणे चुकीचे असल्याचं वक्तव्य केलं होतं. गोव्यामध्ये होली इंक्विजिशन ही क्रूर यंत्रणा आणण्यास फ्रान्सिस झेवियर हाच पूर्णपणे जबाबदार होता, असं म्हणत गोव्यात होली इंक्विजिशनने अडीचशेहून अधिक वर्षे केलेल्या जुलमी अत्याचारांची माहिती आताच्या गोव्यातील नव्या पिढीला देणं गरजेचं आहे. यासाठीच 3 मे रोजी ‘गोवा फाईल्स’ गोमंतकीयांसमोर ठेवणार असल्याचं वक्तव्य हिंदू रक्षा महाआघाडी गोवाचे राज्य निमंत्रक प्रा. सुभाष वेलिंगकर यांनी केलं होतं. आता वेलिंगकरांच्या वक्तव्याचे तीव्र पडसाद राज्यात उमटू लागले आहेत.

दरम्यान याच वादात उडी घेत रिव्हॉल्युशनरी गोवन्स पक्षाचे सांत आंद्रे मतदारसंघाचे आमदार वीरेश बोरकर यांनी भाजपही वेलिंगकर यांच्यासोबत वाद निर्माण करण्यात सहभागी असल्याचा गंभीर आरोप केला होता. राज्यातील समस्यांकडे जनतेचं दुर्लक्ष व्हावं यासाठीच भाजपकडून हा डाव खेळला जात असल्याचा आरोप बोरकर यांनी केला होता. आपल्या याआधीच्या वादग्रस्त वक्तव्यामुळे सुभाष वेलिंगकर यांना राष्ट्रीय स्वयंसेवक संघ आणि भाजपने चार हात दूरच ठेवलं आहे.

Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.

दैनिक गोमन्तक आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, इन्स्टाग्राम, ट्विटर, शेअर चॅट आणि टेलिग्राम आम्हाला फॉलो करा. तसेच, दैनिक गोमन्तकच्या यूट्यूब चॅनेलला आजच सबस्क्राइब करा.

Related Stories

No stories found.