UK Visa issue: ब्रिटिश ई-व्‍हिसा मुद्दा गृहमंत्री अमित शहांच्या दरबारात

गोव्याचे मुख्यमंत्री डॉ. प्रमोद सावंत यांनी दिल्ली भेटीदरम्यान गृहमंत्री अमित शहांना कथन केली समस्या
CM Pramod Sawant Visits HM Amit Shah
CM Pramod Sawant Visits HM Amit ShahDainik Gomantak

भारत सरकारने ब्रिटिश पर्यटकांसाठी पूर्वीची ई-व्हिसा (UK E-Visa issue) सुविधा बंद केल्याने देशात ब्रिटिश पर्यटक येण्याचे प्रमाण कमी झाले आहे. त्याचा थेट परिणाम गोव्याच्या पर्यटन (Goa Tourism) आणि आदरतिथ्य (Hospitality) उद्योगांवर होण्याची शक्यता व्यक्त होत आहे. मुख्यमंत्री डॉ. प्रमोद सावंत बुधवारी (दि.12) दिल्ली दौऱ्यावर असताना ई-व्हिसा मुद्याची चर्चा गृहमंत्री अमित शहा यांच्याशी केली.

ई-व्हिसा सुविधेबाबत गृहमंत्री अमित शहा (Home Minister Amit Shah) यांना माहिती दिली आहे. गृहमंत्री अमित शहा यांनी यासाठी येणाऱ्या समस्या लवकरच सोडवल्या जातील असे आश्वासन दिले आहे. अशी माहिती मुख्यमंत्री डॉ. प्रमोद सावंत (CM Pramod Sawant) यांनी गुरुवारी पणजीत पत्रकारांशी बोलताना दिली. ब्रिटिशांनी गोव्याकडे पाठ फिरविली तर 400 ते 500 कोटींचा फटका गोवा राज्याला बसणार आहे.

CM Pramod Sawant Visits HM Amit Shah
Govt servants: बार्देश, सासष्टीत सर्वाधिक 'सरकारी बाबू', लोकसंख्येच्या तुलनेत सत्तरी अव्वल

कोरोना संकटाच्या पूर्वीच्या आकडेवारीनुसार गोव्यात प्रतिवर्ष 40 ते 50 हजार ब्रिटिश पर्यटक येत असून ते दरडोई सरासरी 98 हजार रुपये खर्च करतात. ही एकूण उलाढाल 400 ते 500 कोटींच्या घरात जात असल्याची माहिती आहे. यूकेतून भारतात येणाऱ्या पर्यटकांना ई-व्हिसा पद्धत बंद करून आता व्हिसा केंद्रात जाऊन प्रत्यक्ष व्हिसा घेण्याची सक्ती केली आहे. यामुळे भारतात येणाऱ्या ब्रिटिश पर्यटकांची संख्या झपाट्याने कमी होत आहे. त्याचा विपरित परिणाम राज्यातील हॉटेल्स व इतर पर्यटन उद्योगावर झाला आहे.

तसेच, रशियन चार्टर विमानही रद्द झाले आहे. एकूणच राज्यासाठी हा दुहेरी धक्‍का मानला जात आहे.

Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.

दैनिक गोमन्तक आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, इन्स्टाग्राम, ट्विटर, शेअर चॅट आणि टेलिग्राम आम्हाला फॉलो करा. तसेच, दैनिक गोमन्तकच्या यूट्यूब चॅनेलला आजच सबस्क्राइब करा.

Related Stories

No stories found.
Dainik Gomantak | दैनिक गोमन्तक
www.dainikgomantak.com