गोवा: बेकायदेशीर धर्मांतर करणाऱ्यांवर प्रभावीपणे कारवाई करण्यासाठी तरतुदी असलेला कायदा तयार करण्याची गरज मुख्यमंत्री प्रमोद सावंत यांनी आज व्यक्त केली. अशी प्रकरणे हाताळण्यासाठी सध्याचे कायदे ‘कमकुवत’ आहेत, याकडे लक्ष वेधून सावंत म्हणाले, “कायद्यात बदल करावे लागले तर ते आणले जातील.”
(Cm Pramod Sawant's stand against illegal conversions)
मुख्यमंत्री प्रमोद सावंत यांनी असेही सांगितले की त्यांची कायदेशीर टीम राज्य, इतर राज्ये तसेच राष्ट्रीय कायद्यातील अवैध धर्मांतराशी संबंधित तरतुदींचा अभ्यास करत आहे. पैसे देऊन किंवा संमोहन करून बेकायदेशीर धर्मांतर केले जात असल्याचा आरोप करून सावंत यांनी असे कृत्य खपवून घेतले जाणार नाही, असे स्पष्ट केले.
बेकायदेशीर धर्मांतर करणाऱ्यांवर राज्याने कारवाई करण्याचा निर्णय घेतल्यानंतरही त्यांच्यावर आवश्यक ती कारवाई होऊ शकली नसल्याची खंत व्यक्त करून सावंत म्हणाले, प्रचलित कायद्यानुसार अशी बेकायदेशीर धर्मांतरे रोखता येत नसतील, तर तसा कायदा यावाच लागेल. एका स्थानिक वाहिनीला दिलेल्या मुलाखतीदरम्यान ते बोलत होते.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.
दैनिक गोमन्तक आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, इन्स्टाग्राम, ट्विटर, शेअर चॅट आणि टेलिग्राम आम्हाला फॉलो करा. तसेच, दैनिक गोमन्तकच्या यूट्यूब चॅनेलला आजच सबस्क्राइब करा.
