कोलवा येथे मसाज पार्लरच्या नावाखाली कुंठणखाना चालविणारे दोघे दोषी

मडगाव: कोलवा येथे मसाज पार्लरच्या नावाखाली कुंठणखाना चालविण्यात येत आहे. अशी माहिती पोलिसांना मिळाली होती. यानंतर गुन्हे अन्वेशन विभागाने कोलवा येथे 16 फेब्रुवारी 2021 रोजी चालू असलेल्या या मसाज पार्लरवर धाड टाकत कारवाई केली होती. या प्रकरणात न्यायालयाने आज निकाल दिला असून न्यायलयाने मसाज पार्लरच्या नावाखाली कुंठणखाना चालविणारे दोघे दोषी असल्याचं म्हटलं आहे.

(colva two convicts who run Kuntankhana in the name of massage parlour)

दोषी असलेल्यांमध्ये सूरज शर्मा व संतोष सोनवणे अशी दोघांची नावे आहेत. आज अतिरीक्त सत्र न्यायाधीश पूजा कवळेकर यांनी त्यांना दोषी ठरविले आहे. यातील दोषींना 14 सप्टेंबर रोजी दोन्ही आरोपींची बाजू ऐकून घेतल्यानंतर त्यांना शिक्षा ठोठवण्यात येणार आहे.

मिळालेल्या माहितीनुसार 16 फेब्रुवारी 2021 रोजी गुन्हे अन्वेशन विभागाने कोलवा येथे चालू मसाज पार्लरवर धाड घालून अनैतिक धंद्याला जुंपलेल्या पाच युवतींची सुटका केली होती. या प्रकरणी पोलिसांनी आरोपीवर न्यायालयात आरोपपत्र दाखल केले होते. याचा आज निकाल लागला असून दोघांना ही दोषी ठरवण्यात आले आहे.