दुधाच्या अल्प पुरवठ्यामुळे राज्यात चिंता

विक्रेत्यांमध्ये नाराजी : मागणीत वाढ, दररोज चार लाख लिटरची गरज
Goa dairy
Goa dairyDainik Gomantak

पणजी: राज्यात दररोज बाजारात स्थानिक उत्पादकांकडून सुमारे दीड लाख लिटर दूध विक्रीसाठी येते, परंतु राज्याची दुधाची मागणी सुमारे चार लाख लिटरांवर पोहोचली आहे. त्यामुळे गोवा डेअरी एवढा पुरवठा वाढवू शकत नाही किंवा त्यांच्याकडे तेवढे दूध संकलनही होत नाही. तर दुसरीकडे बाजारात विक्रेत्यांकडे दररोजच्या मागणीपेक्षाही कमी दूध येत असल्याने त्यांच्यातही नाराजीचा सूर दिसून येत आहे.

(Concern in goa state due to short supply of milk)

Goa dairy
‘कॅग’कडून सरकारी खात्यांवर ताशेरे

राज्यात दररोज 1 लाख 60 हजारांवर दूध उत्पादन होत असल्याची माहिती नुकतीच पशुसंवर्धन मंत्री निळकंठ हळर्णकर यांनी दिली. त्यात गोवा डेअरीकडे सध्याच्या घडीला 43 हजार लिटर दूध संकलीत होते. त्याऐवजी समुल व इतर दूध संघातही स्थानिक दूध उत्पादक दूध दररोज देत आहेत. सध्या गोवा दूध संघावर नवे संचालक मंडळ आले आहे. तत्पूर्वी या संघाचा कारभार प्रशासकाच्या हाती होता. परंतु प्रशासकांनी परराज्यातून येणाऱ्या दुधाविषयी निविदा प्रक्रिया केलीच नाही. त्यामुळे परराज्यातील दूध संघाकडून दूध घेण्यावर रोख लागला.

उपपदार्थ उत्पादनावर परिणाम

गोवा दूध संघाचे बाजारात एक व अर्धा लिटरच्या पिशव्या बाजारात येतात. एक लिटरच्या दुधाला अधिक मागणी असल्याने ते अधिक प्रमाणात साठा ठेवू शकत नाहीत. त्याशिवाय संकलन कमी होत असल्याने दूध संघाच्या इतर उपपदार्थांच्या उत्पादनावरही परिणाम झाल्याचे विक्रेत्यांचे म्हणणे आहे.

गोवा दूध संघाकडे दररोज 43 हजार लिटर दूध येते आणि तेवढेच दूध बाजारात विक्री होते. सध्या अनेक विक्रेत्यांच्या तक्रारी आमच्याकडे येत आहेत. डेअरी यापूर्वी तफावत पाहून संघ परराज्यातील दूध संघांकडून दूध घेत होते. निविदा काढली नसल्याने दुधाची टंचाई भासत आहे.

- राजेश फळदेसाई, नूतन अध्यक्ष, गोवा डेअरी

Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.

दैनिक गोमन्तक आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, इन्स्टाग्राम, ट्विटर, शेअर चॅट आणि टेलिग्राम आम्हाला फॉलो करा. तसेच, दैनिक गोमन्तकच्या यूट्यूब चॅनेलला आजच सबस्क्राइब करा.

Related Stories

No stories found.
Dainik Gomantak | दैनिक गोमन्तक
www.dainikgomantak.com