मोरेन रिबेलो यांचा मोबाईल फोन जप्त

मडगाव: कुडतरी मतदारसंघाचे निवडणूक अधिकारी रमेश एन. गावकर यांनी केलेल्या तक्रारीनंतर मायणा कुडतरी पोलिसांनी आज (मंगळवारी) तेथील कॉंग्रेस उमेदवार मोरेन रिबेलो यांचा सेल फोन जप्त केला आहे. मात्र, मोरेन यांनी आपण निरपराध आहे आपण समाज माध्यमावर कोणताच व्हिडिओ टाकलेला नाही तर आपले फेसबुक खाते अज्ञातांनी हॅक केल्याचे म्हटले आहे.

मायणा कुडतरीचे पोलिस (Police) निरिक्षक मोहन गावडे यांनी सांगितले की, निवडणूक अधिकाऱ्यांनी केलेल्या तक्रारीच्या अनुषंगाने तपासाचा भाग म्हणून मोरेन यांचा सेल फोन ताब्यात घेतला आहे. ते म्हणाले की, 9 फेब्रुवारी रोजी हा व्हिडिओ टाकला गेल्याची व त्यातून धार्मिक वैमनस्य निर्माण होऊन त्याचा मतदानावर (Goa Election) परिणाम झाल्याची तक्रार आहे. या प्रकरणात लोकप्रतिनिधीत्व कायदा 1951 च्या कलम 125 खाली व भा. दं. सं.च्या कलम 18 खाली गुन्हा नोंदविण्यात आलेला आहे. मात्र, मोरेन यांनी या प्रकरणात आपला काहीच संबंध नसल्याचे स्पष्ट करताना कोणीतरी आपला फेसबुक अकांऊट हॅक करून हे कृत्य केल्याचे म्हटले आहे.