Amit Patkar: भाजपचे सरकार हे भ्रष्ट आणि जुमला सरकार; काँग्रेसच्या प्रदेशाध्यक्षांची टीका

Amit Patkar: राज्य आणि केंद्रातले भाजप सरकार हे भ्रष्ट आनी जुमला सरकार आहे, अशी टीका काँग्रेस प्रदेशाध्यक्ष अमित पाटकर यांनी केली. काँग्रेसच्या 'हाथ से हाथ जोडो' अभियानाच्या प्रारंभप्रसंगी ते बोलत होते.

सकाळी श्री भगवती देवीचे दर्शन घेऊन पेडणे मतदारसंघात हाथ से हाथ जोडो या मोहिमेला प्रारंभ करण्यात आला. यावेळी उत्तर गोव्याचे काँग्रेस सरचिटणीस जितेंद्र गावकर, प्रवक्ता संजय बर्डे, उत्तर गोवा अध्यक्ष विरेंद्र शिरोडकर आदी उपस्थित होते.

भाजप सरकारला आता घरी पाठवण्यासाठी सर्वांनी एकत्र येण्याची गरज आहे, असेही पाटकर म्हणाले. काँग्रेस नेते राहुल गांधी यांनी जनतेसाठी दिलेल्या संदेशाची पत्रकेही यावेळी वितरीत करण्यात आली.

दरम्यान, काँग्रेसचे म्हादयीबाबतचे अभियान पुर्ण करणार आहे. म्हादई वाचविण्यासाठ सत्तरीत रॅली काढणार असल्याची माहिती विजय भिके यांनी दिली.

गोव्यात यापुर्वीच विविध ठिकाणी काँग्रेसच्या या अभियानाला सुरवात झाली आहे. पुढील वर्षी देशात लोकसभा निवडणूक होणार आहे. त्या पार्श्वभुमीवर काँग्रेसने भारत जोडो यात्रेनंतर हाथ सो हाथ जोडो अभियान सुरू केले आहे.