Girish Chodankar : रमेश तवडकरांना सभापती पदावरून हटवा; चोडणकर आक्रमक

तवडकर हे सभापती पदावर राहिल्यास गोव्यातील जनतेला न्यायाची अपेक्षा करता येणार नाही, असा टोलाही चोडणकरांनी लगावला आहे.
Girish Chodankar | Goa News
Girish Chodankar | Goa News Dainik Gomantak

रमेश तवडकर हे विधानसभेच्या सभापतिपदी असल्याने सक्रिय राजकारणापासून त्यांनी दूर राहायला हवे. मात्र, तवडकर पक्षाच्या विविध कार्यक्रमांना हजर राहून नैतिकदृष्ट्या पदाचे अवमूल्यन करत आहेत. त्यामुळे विधानसभेची प्रतिष्ठा सांभाळण्यासाठी तवडकर यांना सभापती पदावरून हटविण्यात यावे, अशी मागणी प्रदेश काँग्रेसचे माजी अध्यक्ष गिरीश चोडणकर यांनी केली आहे.

चोडणकर म्हणाले की, सभापती म्हणून निवडून आल्यानंतर संबंधित व्यक्तीने आपली पक्षीय भूमिका बाजूला ठेवून सर्व पक्षांना समान न्यायाची वागणूक देणे अपेक्षित असते. मात्र, नवी दिल्लीत नुकत्याच झालेल्या एसटी मोर्चाच्या बैठकीस सभापती तवडकर उपस्थित होते. राष्ट्रपतींच्या निवडणुकीवेळी तवडकर यांनी दुपारी जेवणाच्या वेळेत विधानसभा कामकाज तहकूब केली होती. राष्ट्रपती द्रौपदी मुर्मू या त्यावेळी एनडीएच्या उमेदवार होत्या. त्यावेळी सभापती तेथे उपस्थित राहणे, हाही औचित्यभंगाचा प्रकार होता. शिवाय ते पक्षाच्या बैठकांनाही हजर असतात.

Girish Chodankar | Goa News
Akshay Kumar Video: अभिनेता अक्षय कुमार गोव्यात; त्यानं दिलेल्या ख्रिसमसच्या शुभेच्छा एकदा पाहाच

सध्या त्यांच्याकडे भाजपच्या विरोधात आणि कॉंग्रेसमधून भाजपमध्ये दाखल झालेल्या आमदारांच्या विरोधातील याचिका आहेत. ते या याचिकांना निष्पक्षपणे न्याय कसा देतील, असा सवालही चोडणकर यांनी केला आहे. तवडकर हे सभापती पदावर राहिल्यास गोव्यातील जनतेला न्यायाची अपेक्षा करता येणार नाही. उलट त्यांना पक्षहितानुसार मार्गदर्शन केले जाईल आणि ते पक्षाच्या आदेशानुसार काम करतील, असेही चोडणकर यांनी म्हटले आहे.

Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.

दैनिक गोमन्तक आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, इन्स्टाग्राम, ट्विटर, शेअर चॅट आणि टेलिग्राम आम्हाला फॉलो करा. तसेच, दैनिक गोमन्तकच्या यूट्यूब चॅनेलला आजच सबस्क्राइब करा.

Related Stories

No stories found.
Dainik Gomantak | दैनिक गोमन्तक
dainikgomantak.esakal.com