Goa Congress : काँग्रेसने उमेदवारीसाठी पैसे घेतल्याचा माजी आमदार आग्नेल यांचा आरोप

आमदार मायकल लोबो हे काँग्रेसच्या उमेदवारीवर निवडून येऊन काही दिवसांपूर्वी भाजपात परतले. त्यावेळी आग्नेल फर्नांडिस हे काँग्रेसच्या उमेदवारीसाठी प्रयत्नशील होते, परंतु तेथील उमेदवारी लोबो यांना देण्यात आली.
Agnelo Fernandes
Agnelo FernandesDainik Gomantak

Goa Congress : काँग्रेसमध्ये विधानसभा निवडणुकीवेळी उमेदवारी ही पैसे देऊन दिली होती. गोवा प्रभारी दिनेश गुंडू राव या टोळीचे होते, निवडणुकीच्या काळातही उमेदवारीसाठी पैसे घेतल्याचा आरोप आम्ही केला होता. त्या आरोपावर आपण ठाम आहोत, असे मत माजी आमदार आग्नेल फर्नांडिस यांनी व्यक्त केले.

आमदार मायकल लोबो हे काँग्रेसच्या उमेदवारीवर निवडून येऊन काही दिवसांपूर्वी भाजपात परतले. त्यावेळी आग्नेल फर्नांडिस हे काँग्रेसच्या उमेदवारीसाठी प्रयत्नशील होते, परंतु तेथील उमेदवारी लोबो यांना देण्यात आली.

आग्नेल यांच्या म्हणण्यानुसार त्यावेळी उमेदवारी देताना ड्र्ग्स माफिया, बिल्डर माफिया आणि खाण माफिया काँग्रेसमध्ये आल्याने पक्ष पूर्णतः संपला होता. जानेवारी 2021 मध्ये आपण मायकल लोबो काँग्रेसमध्ये येईल आणि निवडून आल्यानंतर पुन्हा ते भाजपात जाणार, असे स्पष्टपणे सांगितले होते.

Agnelo Fernandes
Amit Patkar : स्वच्छता घोटाळ्याचा आरोप ‘क्लिनअप ड्राईव्ह’मुळे खरा

काँग्रेस उभारी कशी घेणार?

जर 35 हजार कोटींचा घोटाळ असेल तर मायकल हे जाणारच हे स्पष्ट होते. मायकल यांना विरोधी पक्षनेते पद दिले म्हणून आपण दुखावल्याचे दिगंबर कामत सांगतात. जोपर्यंत या पक्षात गुंडू राव, गिरीश चोडणकर आहेत, तोपर्यंत पक्ष उभारी घेणार नाही. उमेदवारी देण्यासाठी आपण पैसे घेतले नाहीत, हे गिरीश यांनी देवळात जाऊन सांगावे, असे आपले त्यांना आव्हान आहे. कालही संकल्प आमोणकरांनी काँग्रेस नेत्यांनी पैसे घेतल्याचा आरोप केला. कारण आमोणकर हे गिरीश यांचे पैसे आणणारा कलेक्टर होता, असेही आग्नेल यांनी स्पष्ट केले.

Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.

दैनिक गोमन्तक आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, इन्स्टाग्राम, ट्विटर, शेअर चॅट आणि टेलिग्राम आम्हाला फॉलो करा. तसेच, दैनिक गोमन्तकच्या यूट्यूब चॅनेलला आजच सबस्क्राइब करा.

Related Stories

No stories found.
Dainik Gomantak | दैनिक गोमन्तक
www.dainikgomantak.com