Congress : महागाईविरोधात काँग्रेस कार्यकर्ते उतरले रस्त्यावर

आंदोलन सुरूच ठेवण्याचा काँग्रेस नेत्यांचा इशारा
congress protest in goa
congress protest in goaDainik Gomantak

Congress : देशातील वाढती महागाई आणि बेरोजगारीवरून काँग्रेसने आक्रमक भूमिका घेतली आहे. याच अनुषंगाने केंद्रातील मोदी सरकारच्या विरोधात विविध ठिकाणी शुक्रवारी काँग्रेसने देशव्यापी आंदोलन केले.

पणजी येथेही कार्यकर्त्यांनी सरकारच्या विरोधात निषेध नोंदवला. यावेळी काढलेल्या निषेध मोर्चाला रोखत पोलिसांनी प्रदेशाध्यक्ष अमित पाटकर, महिला अध्यक्ष बिना नाईक यांच्यासह कार्यकर्त्यांना ताब्यात घेतले. सरकारने कितीही धरपकड केली, तरी केंद्र सरकारविरुद्ध जनआंदोलन सुरूच राहिल असा इशारा पाटकर यांनी दिला.

केंद्र सरकारच्या चुकीच्या धोरणांमुळे नागरिक त्रस्त असून त्यामुळेच पक्ष कार्यकर्ते आज रस्त्यावर उतरल्याचे काँग्रेसच्या वतीने सांगण्यात आले. दरम्यान, निषेध मोर्चा काँग्रेस हाउसकडून मुख्यमंत्री निवासस्थानाकडे जात असताना पोलिसांनी आंदोलकांना अडवले. त्या काँग्रेस कार्यकर्त्यांना ताब्यात घेतले. यात प्रदेशाध्यक्ष अमित पाटकर, महिला अध्यक्ष बिना नाईक, कॅप्टन विरियातो फर्नांडिस यांच्यासह अनेक कार्यकर्त्यांचा समावेश होता. काही काळाने त्यांना सोडून देण्यात आले.

congress protest in goa
Festival of Goa : राय येथील प्रसिद्ध कणसांचे फेस्त उत्साहात संपन्न

सरकारच्या चुकीच्या धोरणांमुळे आर्थिक आणीबाणीची स्थिती आहे. पूर्वी भाजप कार्यकर्ते जीवनावश्यक वस्तुंमध्ये किरकोळ वाढ झाली, तरी रस्त्यावर उतरून आंदोलन करत होते. आता महागाईने उच्चांक गाठला आहे. आता गॅसचा भडका उडाला असताना मंत्री स्मृती इराणी गप्प का आहेत? असा सवाल काँग्रेस प्रदेशाध्यक्ष अमित पाटकर यांनी केला आहे.

Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.

दैनिक गोमन्तक आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, इन्स्टाग्राम, ट्विटर, शेअर चॅट आणि टेलिग्राम आम्हाला फॉलो करा. तसेच, दैनिक गोमन्तकच्या यूट्यूब चॅनेलला आजच सबस्क्राइब करा.

Related Stories

No stories found.
Dainik Gomantak | दैनिक गोमन्तक
dainikgomantak.esakal.com