मडगाव: दिगंबर कामत हे मडगावकरांना आजपर्यंत मूर्ख बनवत आले आहेत; पण आता त्यांचा खरा चेहरा मडगावकरांना कळून चुकला आहे. त्याची प्रचीती येत्या लोकसभा निवडणुकीत येईल. यावेळी काँग्रेसचा उमेदवार मडगावात आघाडी घेईल, असा दावा दक्षिण गोवा जिल्हा काँग्रेस अध्यक्ष सावियो डिसिल्वा यांनी केला आहे.
प्रसिद्धीपत्रकात त्यांनी म्हटले आहे की, कामत यांना फक्त स्वतःच्या कुटुंबाची काळजी आहे. आपल्या मुलाला ते राजकीय वारस म्हणून पुढे आणत आहेत, हे लपून राहिलेले नाही. त्यांनी त्यांच्यासोबत पक्षांतर केलेल्यांना आश्र्वासने देऊन फसविले आहे.
ते दबाव आणत असल्यामुळे अनेक नगरसेवक बिथरले आहेत. ते काँग्रेसच्या संपर्कात असून आम्ही योग्य रणनीती आखून राजकीय हालचाली गतिमान करणार आहोत. रावणफोंड ओव्हर ब्रीज व संलग्न रस्त्याच्या रुंदीकरण पायाभरणी कार्यक्रम पत्रिकेवर उपनगराध्यक्षा दीपाली सावळ, स्थानिक नगरसेवकाचे नाव का छापले नाही, असा सवाल केला. कामत यांना मॉडेल मडगाव नगरसेवकांबाबत आदर नसल्याचे स्पष्ट होते, असाही टोल डिसिल्वा यांनी लगावला.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.
दैनिक गोमन्तक आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, इन्स्टाग्राम, ट्विटर, शेअर चॅट आणि टेलिग्राम आम्हाला फॉलो करा. तसेच, दैनिक गोमन्तकच्या यूट्यूब चॅनेलला आजच सबस्क्राइब करा.
