भाजप सरकारने आतापर्यंत महागाईचा उच्चांक गाठला असून देशभरातील सामान्यांचे त्यामुळे कंबरडे मोडले आहे. विकासकामे, रोजगाराबाबत जनतेला केवळ पोकळ आश्वासनेच देण्यात आली आहेत, असा आरोप कॉंग्रेसचे प्रदेशाध्यक्ष अमित पाटकर यांनी रविवारी शिवोलीत केला.
कॉंग्रेसच्या ‘हात से हात जोडो’ अभियानाची शिवोली बाजार येथून सुरुवात केल्यानंतर पाटकर बोलत होते. यावेळी महिला प्रदेशाध्यक्ष बीना नाईक, शिवोली गट कॉंग्रेसच्या अध्यक्ष पार्वती नागवेकर, माजी गटाध्यक्ष राजेश कोचरेकर, उत्तर गोवा जिल्हाध्यक्ष विजय भिके, युवा अध्यक्ष ॲड. रोशन चोडणकर, माजी मंत्री ॲड. चंद्रकांत चोडणकर आदी मान्यवर उपस्थित होते.
शिवोली गटाध्यक्ष पार्वती नागवेकर यांनी सांगितले,की सध्या राज्यात गाजत असलेल्या म्हादई प्रश्नावरून भाजपसरकार जनतेची दिशाभूल करत आहे. यावेळी,ज्येष्ठ नेते ॲड. चंद्रकांत चोडणकर , विजय भिके आदींची भाषणे झाली. ‘हात से हात जोडो’ अभियानांतर्गत कॉंग्रेसच्या नेत्यांनी यावेळी बाजारकरांशी संपर्क साधला.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.
दैनिक गोमन्तक आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, इन्स्टाग्राम, ट्विटर, शेअर चॅट आणि टेलिग्राम आम्हाला फॉलो करा. तसेच, दैनिक गोमन्तकच्या यूट्यूब चॅनेलला आजच सबस्क्राइब करा.
