पर्वरीत कंटेनर पलटी झाल्याने अपघात; मुंबई-गोवा महामार्गावर वाहनांच्या रांगा

अपघातामुळे मुंबई-गोवा महामार्गावरील वाहतुकीचे मात्र तीनतेरा
Container Accident in Porvorim
Container Accident in Porvorim Dainik Gomantak

पणजी : गोव्यात गुरुवारी रात्री पुन्हा एकदा वादळी वाऱ्यासह मुसळधार पावसाने थैमान घातलं. त्यातच भर म्हणजे पर्वरी परिसरात मुंबई-गोवा महामार्गावर कंटेनर पलटी झाल्याने भीषण अपघात झाला आहे. कंटेनरने आपल्यासह इतर दोन वाहनांचंही मोठं नुकसान केलं आहे. अपघातामुळे महामार्गावरील वाहतुकीचे मात्र तीनतेरा वाजले आहेत..

Container Accident in Porvorim
पणजीत वादळी वाऱ्याचा फटका, इमारतीवरील पत्रे उडाले

कंटेनरच्या अपघातानंतर अजूनही पर्वरीतील वाहतूक पूर्ववत झाली नसल्याचं चित्र आहे. आधीच पर्वरीत वाहतुकीची कोंडी होत असते, मात्र आता अपघातामुळे वाहनांच्या लांबच लांब रांगा लागल्या आहेत. कंटेनरवरील चालकाचं नियंत्रण सुटल्याने जाहिरातीसाठी लावलेल्या एका गाडीचाही चेंदामेंदा झाला आहे. यामुळे काल गुरुवारी रात्रीपासून सुकूर जंक्शनपासून ते पर्वरीपर्यंत वाहतुकीचा खोळंबा झाला आहे. सकाळी कामावर जाणाऱ्या गोवेकरांना मात्र यामुळे नाहक मनस्ताप सहन करावा लागला आहे.

Container Accident in Porvorim
म्हापशात वारंवार वीज खंडित

दरम्यान शुक्रवारी रात्री 8 वाजण्याच्या सुमारास राज्यात सर्वदूर वादळी वाऱ्यासह मुसळधार पाऊस कोसळला आहे. अवकाळी पावसामुळे राज्यातील अनेक भागांत वीज पुरवठा खंडित झाला. बऱ्याच ठिकाणी झाडे कोसळल्याने मोठं नुकसान झालं आहे. गिरी येथे अपघातात दोघे गंभीर जखमी झाले आहे. तर भांडारवाडा आमोणा येथे घरावर झाड पडून नुकसान झालं आहे. दुसरीकडे आमोणा येथे रस्त्यावर झाड पडून दोघे जखमी झाले आहेत. तर पर्रा येथे रस्त्यावर वीज वाहिनी पडल्यामुळे वाहतुकीचा खोळंबा झाला.

Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.

दैनिक गोमन्तक आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, इन्स्टाग्राम, ट्विटर, शेअर चॅट आणि टेलिग्राम आम्हाला फॉलो करा. तसेच, दैनिक गोमन्तकच्या यूट्यूब चॅनेलला आजच सबस्क्राइब करा.

Related Stories

No stories found.
Dainik Gomantak | दैनिक गोमन्तक
dainikgomantak.esakal.com