कोरोनाचा कोकण रेल्वेला महामंडळाला 360 कोटींचा फटका
कोरोनामुळे (Covid 19) कोकण रेल्‍वे (Konkan Railway) महामंडळाला तब्बल 360 कोटी रुपयांचा फटका बसल्याची माहिती मंडळाच्या सूत्रांनी दिली. Dainik Gomantak

कोरोनाचा कोकण रेल्वेला महामंडळाला 360 कोटींचा फटका

‘रो रो’ सेवा ही कोकण रेल्वेचा (Konkan Railway) महसुलाचा मुख्य स्रोत होता, पण ती वाहतुकच बंद राहिल्याने जास्त फटका बसला. आता ती वाहतूक सुरू झालेली असली तरी अजून पूर्वपदावर आलेली नाही.

मडगाव: कोविडच्या (Covid 19) पहिल्या लाटेमुळे विस्कळीत झालेली रेल्‍वे वाहतूक अजूनही पूर्ववत होऊ शकलेली नाही. त्यामुळे कोकण रेल्‍वे (Konkan Railway) महामंडळाला तब्बल 360 कोटी रुपयांचा फटका बसल्याची माहिती मंडळाच्या सूत्रांनी दिली. प्रवासी तसेच मालगाड्या व कोकण रेल्वेची रोरो वाहतुकही कोविड काळात ठप्प झाली. मार्च 2020 मध्ये बंद झालेली प्रवासी व मालवाहतूक जुलै 2021 मध्ये सुरू झाली असली, तरी अजूनही ती पूर्णतः सुरू झालेली नसल्याने हा आकडा आणखी वाढण्याची शक्यता नाकारता येत नाही.

कोरोनामुळे (Covid 19) कोकण रेल्‍वे (Konkan Railway) महामंडळाला तब्बल 360  कोटी रुपयांचा फटका बसल्याची माहिती मंडळाच्या सूत्रांनी दिली.
कोकण रेल्वे मार्गावरील गणपती विशेष गाड्यांसाठी आरक्षण सुरू

अजूनही ‘विशेष’ गाड्या

‘रो रो’ सेवा ही कोकण रेल्वेचा महसुलाचा मुख्य स्रोत होता, पण ती वाहतुकच बंद राहिल्याने जास्त फटका बसला. आता ती वाहतूक सुरू झालेली असली तरी अजून पूर्वपदावर आलेली नाही. आता एक-एक करून प्रवासी गाड्या सुरू झाल्या असल्या तरी प्रवाशांचा पूर्वीप्रमाणे प्रतिसाद नाही. त्यामुळे बहुतेक गाड्या ‘विशेष’ म्हणूनच चालविल्या जातात. त्यासाठी आगाऊ आरक्षणाची सक्ती केली गेली आहे. कोकण कन्या, मंगळुरू एक्सप्रेस यासुध्दा त्याला अपवाद नाहीत. मंगळुरू ही जरी एक्सप्रेस असली, तरी ती लोकल म्हणूनच सोडली जाते. सर्व गाड्या पूर्वीच्या वेळापत्रकाप्रमाणे सुटत असल्या तरी त्या ‘विशेष’ असतात, असे या सूत्रांनी नमूद केले.

Related Stories

No stories found.