Goa Corona Wave: गोव्यात कोरोनाची तिसरी लाट

नवे 592 कोरोनाबाधित, 6 जणांना ओमिक्रॉनची लागण
Corona Third Wave in Goa

Corona Third Wave in Goa

Dainik Gomantak 

पणजी :  देशभर ओमिक्रॉन या कोरोना व्हेरियन्टचा संसर्ग आणि प्रादुर्भाव झपाट्याने होत आहे. गोवा राज्यातही हीच स्थिती आहे. मात्र हा प्रसार ओमिक्रॉनचा की जुन्या डेल्टा व्हेरिएन्ट हे सांगण्यासाठी आरोग्य विभागाकडे पुरेशी यंत्रणाच नाही. तर  राज्यात 28 डिसेंबरपासून रुग्णवाढीचे प्रमाण दुपटीने वाढत आहे. ही कोरोनाची तिसरी लाट ( Corona Third Wave) सुरू झाल्याची कबुली आरोग्य विभागाचे संचालक डॉ.आयरा आल्मेदा यांनी दिली. तसेच राजकीय सभांना नागरिकांनी जाऊ नये असे जाहीर आवाहनही त्यांनी केले. (Goa Latest Corona News updates)

<div class="paragraphs"><p>Corona&nbsp;Third Wave in Goa</p></div>
गोव्यात आणखी 6 जण ओमिक्रॉन पॉझिटिव्ह

आरोग्य विभागाच्या कार्यालयात आयोजित पत्रकार परिषदेत डॉ.आयरा आल्मेदा यांच्यासह लसीकरण विभागाचे समन्वयक डॉ. राजेंद्र बोरकर कोरोना विभागाचे संयोजक डॉ. उत्कर्ष बेतोडकर उपस्थित होते. राज्यात विधानसभा निवडणुकांची रणधुमाळी सुरु असून सर्वच राजकीय पक्षांचा प्रचार जोरात सुरू आहे. हजारो लोक या सभांना हजर असतात. यातून कोरोनाचा प्रसार (Corona Third Wave) होण्याची शक्यता सर्वाधिक आहे. या पार्श्‍वभूमीवर या राजकीय सभांना नागरिकांनी जाऊ नये असे जाहीर आवाहन आरोग्य विभागाच्या वतीने करण्यात आले आहे.

नागरिकांचे आरोग्य महत्वाचे आहे. यासाठी प्रत्येकाने कोरोना संबंधीच्या आदर्श कार्यप्रणालीचे (एसओपी) पालन करणे गरजेचे आहे. नागरिकांनी वैयक्तिक काळजी घेतल्यास कोरोनाच्या तिसऱ्या लाटेवर नियंत्रण आणणे शक्य आहे, असा विश्‍वास आरोग्य खात्याने व्यक्त केला.

<div class="paragraphs"><p>Corona&nbsp;Third Wave in Goa</p></div>
'मी माझ्या डोळ्यांनी मृत्यूंचे तांडव पाहिले'

गेल्या 24 तासात संशयितांच्या केलेल्या चाचण्यांमध्ये (Corona Test) 592 रुग्ण कोरोनाबाधित सापडले असून संक्रमण दर (पॉझिटिव्हिटी रेट) 13.89 आहे. मंगळवारी 2 कोरोनाबाधित रुग्णांचा मृत्यू झाला असून एकूण मृत्यूचा (Death) आकडा 3525 झाला आहे. सध्या राज्यात 2763 इतके सक्रिय रुग्ण आहेत. राज्यातील 95 टक्के नागरिकांनी लसीकरणाचे दोन्ही डोस घेतली असून 15 ते 18 वयोगटातील 20 टक्के तरुणांनी लसीकरणाचा पहिला डोस घेतला आहे. हा आकडा सुमारे 15 हजार असल्याची माहिती लसीकरण विभागाचे संयोजक डॉ.राजेंद्र बोरकर यांनी दिली आहे.

Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.

दैनिक गोमन्तक आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, इन्स्टाग्राम, ट्विटर, शेअर चॅट आणि टेलिग्राम आम्हाला फॉलो करा. तसेच, दैनिक गोमन्तकच्या यूट्यूब चॅनेलला आजच सबस्क्राइब करा.

Related Stories

No stories found.
Dainik Gomantak | दैनिक गोमन्तक
dainikgomantak.esakal.com