पणजी- राज्य सरकारने कोरोनाला आरोग्य विम्याच्या कक्षेत आणले आहे. दीनदयाळ स्वास्थ सेवा योजनेंतर्गत (DDSSY) आता कोविड उपचारही आणण्यात आले आहेत. या योजनेतून सरकारमान्य खासगी इस्पितळात विनाशुल्क उपचार घेण्याची सोय आहे. आता कोविडवरील उपचारही या कार्डाच्या मदतीने करता येणार आहेत.
किरकोळ लक्षणे असलेल्या रूग्णासाठी दिवसा रूपये 4600 तर गंभीर रूग्णासाठी दिवसा रूपये ६६०० खर्च या योजनेतून केला जाणार असल्याची माहिती आरोग्य मंत्री विश्वजीत राणे यांनी दिली.
गंभीर रूग्णांसाठी खाट भाडे बाराशे रूपये, सीबीसी, एबीजीसाठी ८०० रूपये, व्हेंटिलेटरसाठी २ हजार रूपये, डॉक्टर व सल्लागार शुल्कापोटी ६०० रूपये, असे दिवसा ६६०० रूपये या योजनेतून इस्पितळाला देण्यात येणार आहेत. खासगी इस्पितळात या योजनेतून रूग्ण दाखल करण्याच्या वेळेला इस्पितळाचे पत्र आणि कोविडची लागण झाल्याचा अहवाल आवश्यक आहे.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.
दैनिक गोमन्तक आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, इन्स्टाग्राम, ट्विटर, शेअर चॅट आणि टेलिग्राम आम्हाला फॉलो करा. तसेच, दैनिक गोमन्तकच्या यूट्यूब चॅनेलला आजच सबस्क्राइब करा.