मडगाव : येथील होलसेल मासळी मार्केटमध्ये ठेवलेल्या सुमारे दीड हजार क्रेट्सची चोरी करण्यात आली असून त्या कुंकळ्ळी येथील भंगार अड्ड्यावर विकल्याची माहिती होलसेल मासळी विक्रेते संघटनेचे पदाधिकारी इमाम शेख यांनी दिली. त्यांची किंमत सुमारे 12 लाख असून असे प्रकार या मार्केटमध्ये वारंवार होत असल्याचा आरोप त्यांनी केला.
याबाबत त्यांनी काल बुधवारी फातोर्डा पोलिस स्थानकात तक्रार दिली. मात्र, क्रेट्सची मालकी सिद्ध करू शकणारी काही कागदपत्रे असल्यास ती सादर करा, असे त्यांना सांगण्यात आले. या क्रेट्स कुंकळ्ळीतील भंगार अड्ड्यावर ठेवल्या आहेत, याची माहिती पोलिसांना देऊन आठ दिवस झाले तरी त्यांनी कोणतीही कारवाई केलेली नाही, असे शेख यांनी सांगितले. यासंदर्भात फातोर्डाचे पोलिस निरीक्षक गिरेंद्र नाईक यांना विचारले असता, या साहित्याची कागदपत्रे सादर करण्यास फिर्यादीस सांगितल्याचे नाईक म्हणाले.
भंगार अड्ड्यावर ठेवण्यात आलेले हे क्रेट्स आपलेच आहेत हे सिद्ध कसे करायचे हा पेच सध्या मडगावमधील मासळी विक्रेत्यांमध्ये आहे. क्रेट्सची मालकी सांगणारे शक्यतो कोणतेही कागदपत्र नसल्याने विक्रेत्यांचीही गोची झाली आहे. पोलिसांनी पुरावे सादर करण्यास सांगत हात वर केले आहेत. मात्र नेहमीच होणाऱ्या क्रेट्सच्या चोरीमुळे मासळी विक्रेते त्रस्त झाले आहेत.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.
दैनिक गोमन्तक आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, इन्स्टाग्राम, ट्विटर, शेअर चॅट आणि टेलिग्राम आम्हाला फॉलो करा. तसेच, दैनिक गोमन्तकच्या यूट्यूब चॅनेलला आजच सबस्क्राइब करा.
