Goa Shigmotsav शिगमोत्सव म्हणजे रंगांची उधळण करण्याचा आणि वेगवेगळी सोंगे रंगविण्याचा उत्साहाचा उत्सव. सध्या डिचोलीत सर्वत्र शिगमोत्‍सवाचे वातावरण फुलू लागले असून गुलाल, पिचकाऱ्या, मुखवटे आदी साहित्याने डिचोली बाजारपेठ फुलली आहे.
दोन वर्षांच्या कोविड निर्बंधानंतर यंदा मुक्तपणे साजरा होणाऱ्या शिगमोत्‍सवाच्‍या साहित्याला मागणी वाढण्याची शक्यता आहे. तसा विश्वासही विक्रेत्‍यांना आहे. दरम्‍यान, उद्यापासून साहित्य खरेदीला प्रतिसाद मिळणार असल्याचा आशावाद बाजारातील घाऊक विक्रेते विद्याधर शिरोडकर यांनी व्यक्त केला.
शिगमोत्सव म्हणजे रंगांची उधळण करण्याचा उत्सव. बाजारात विविध प्रकारचे रंग (गुलाल) विक्रीस उपलब्ध आहेत. गेल्या काही वर्षांपासून नैसर्गिक रंगांना मागणी असल्याने यंदाही विक्रेत्यांनी हे रंग उपलब्ध केले आहेत.
पिचकाऱ्या 100 पासून 850 रुपयांपर्यंत
शिगमोत्‍सवानिमित्त बाजारात विविध रंग, तसेच वेगवेगळ्या प्रकाराच्या पिचकाऱ्या विक्रीस उपलब्ध आहेत. त्यांची किंमत 100 रुपयांपासून 850 रुपयांपर्यंत आहे. या पिचकाऱ्या लहान मुलांचे लक्ष वेधून घेत आहेत. विविध प्राण्यांच्या चेहऱ्यांशी मिळतेजुळते आणि अक्राळविक्राळ मुखवटेही बाजारात उपलब्ध झाले असून, तेसुद्धा लक्ष वेधून घेत आहेत.
600 रुपये किमतीपर्यंतचे मुखवटे बाजारात आलेले आहेत. तसेच अन्य साहित्यही बाजारात उपलब्ध असून, त्यांची खरेदी सुरू आहे. उद्यापासून साहित्य खरेदीला जोर येण्याची शक्यता विक्रेत्यांकडून व्यक्त करण्यात येत आहे.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.
दैनिक गोमन्तक आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, इन्स्टाग्राम, ट्विटर, शेअर चॅट आणि टेलिग्राम आम्हाला फॉलो करा. तसेच, दैनिक गोमन्तकच्या यूट्यूब चॅनेलला आजच सबस्क्राइब करा.
