वटपौर्णिमेच्या साहित्यासाठी डिचोलीत गर्दी

खरेदी जोरात ; वडाभोवती फेऱ्यांसाठी सुवासिनी सज्ज
वटपौर्णिमेच्या साहित्यासाठी डिचोलीत गर्दी
Crowds in bicholim for Vat Purnima FestivalDainik Gomantak

डिचोली : वटपौर्णिमेच्या पूर्वदिनी आज (सोमवारी) या व्रतासाठी लागणारे साहित्य खरेदी करण्यासाठी डिचोली बाजारात सुवासिनींची गर्दी उसळली होती. त्यातच दिवसभर पावसाने उसंत घेतल्याने गर्दीत भर पडली.

परंपरेप्रमाणे वडाभोवती सात फेरे मारण्यासाठी डिचोलीत सुवासिनी सज्ज झाल्या आहेत. पतिव्रतेचे महात्म्य वर्णन करणारे आणि सुवासिनींच्या उत्साहाला उधाण देणारे व्रत म्हणजे वटपौर्णिमा. उद्या मंगळवारी वटपौर्णिमा साजरी होत असल्याने सर्वत्र विशेष करून सुवासिनींमध्ये उत्साह संचारला आहे.

Crowds in bicholim for Vat Purnima Festival
एफसी गोवाच्या सपोर्ट स्टाफमध्ये नवे सदस्य

खरेदीला जोर

कोविड महामारीमुळे गेली दोन वर्षे वटपौर्णिमेच्या बाजारावर निर्बंध आले होते. यंदा वटपौर्णिमेच्या साहित्याने बाजार फुलला आहे. अननस, आंबे, फणस, केळी आदी फळांसह वडाच्या फांद्या, वडाची पाने, अणशीचे दोर आदी साहित्य डिचोली बाजारात मोठ्या प्रमाणात विक्रीस उपलब्ध झाले आहे.

हे साहित्य खरेदी करण्यासाठी आज दिवसभर बाजारात सुवासिनींची वर्दळ सुरू होती. सायंकाळी तर बाजारात गर्दी उसळली होती. त्यातच आज पावसाने कृपा केल्याने खरेदी मोठ्या उत्साहात खरेदी सुरू होती.

फणस, आंबे आदी काही फळे महाग असली तरी त्याची पर्वा न करता सुवासिनी साहित्य खरेदी करताना दिसून येत होत्या. आज दिवसभर बाजारात वटपौर्णिमेच्या साहित्याला चांगली मागणी होती, असे विक्रेत्या सुभद्रा गावकर यांनी सांगितले.

Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.

दैनिक गोमन्तक आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, इन्स्टाग्राम, ट्विटर, शेअर चॅट आणि टेलिग्राम आम्हाला फॉलो करा. तसेच, दैनिक गोमन्तकच्या यूट्यूब चॅनेलला आजच सबस्क्राइब करा.

Related Stories

No stories found.
Dainik Gomantak | दैनिक गोमन्तक
www.dainikgomantak.com