Goa Road Accidents: : कुंकळ्ळीमध्ये काल अपघातांचे सत्र पाहायला मिळाले. तीन वेगवेगळ्या अपघतांत एकूण चार जणांना आपला जीव गमवावा लागला आहे. तर दोनजण जखमी झाले आहेत. साल्झोरा येथे दोघांचा, चिंचणीत एका युवकाचा तर रात्री कुंकळ्ळी कंदब बसस्थानकाजवळ कार आणि दुचाकीच्या धडकेत दुचाकीस्वाराचा मृत्यू झाल्याची घटना घडली.
साल्झोरा-कुंकळ्ळी येथे आज सोमवारी पहाटे अडीचच्‍या सुमारास झालेल्या अपघातात सर्फराज बेपारी (27) आणि नझील बेपारी (23) या चांदर येथील युवकांचा मृत्यू झाला. हे दोघेही चुलत भाऊ असून, भरधाव वेगामुळे दुचाकीवरील नियंत्रण गेल्याने हा अपघात घडल्याचे समजते.
चिंचणीत दुचाकीस्‍वार सायरस परेरा (19) तर कुंकळ्ळी बसस्थानकाजवळ कार व दोन दुचाकी यांच्‍यात झालेल्या अपघातात एकाला आपला प्राण गमवावा लागला.
साल्झोरा-कुंकळ्ळी येथील अपघातात पहाटेच्या सुमारास दोघेही कुंकळ्ळीच्या दिशेने जात असताना हा अपघात घडला. त्यांचे वाहनावरील नियंत्रण गेल्याने ते रस्त्यावरून फरफटत पुढे गेले. नंतर त्यांची गाडी जाऊन एका झाडाला आदळली.
या भीषण अपघातात गंभीर दुखापत झाल्‍याने दोघांचाही जागीच मृत्यू झाला. या प्रकरणी कुंकळ्ळी पोलिस पुढील तपास करत आहेत.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.
दैनिक गोमन्तक आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, इन्स्टाग्राम, ट्विटर, शेअर चॅट आणि टेलिग्राम आम्हाला फॉलो करा. तसेच, दैनिक गोमन्तकच्या यूट्यूब चॅनेलला आजच सबस्क्राइब करा.
