Dabolim विमानतळावर कस्टम अधिकाऱ्यांचा प्रवाशांना त्रास; NGO चे आयुक्तांना निवेदन

निज गोयकार फौज या बिगर सरकारी संस्थेचे कस्टम आयुक्त व्ही सुंदरराजन यांना भेट निवेदन
Dabolim विमानतळावर कस्टम अधिकाऱ्यांचा प्रवाशांना त्रास; NGO चे आयुक्तांना निवेदन

दाबोळी विमानतळावर (Dabolim Airport) कस्टम अधिकारी प्रवाशांना नाहक त्रास देत आहेत. याप्रकरणी वास्को येथील निज गोयकार फौज या बिगर सरकारी संस्थेने (NGO) कस्टम मुख्यालय पणजी येथे आयुक्त व्ही सुंदरराजन यांना भेटून निवेदन दिले. तसेच, कस्टम कायदा 1962 (Custom Act 1962) नुसार भ्रष्टाचार करणाऱ्या अशा कस्टम अधिकाऱ्यांवर कारवाई करण्याची मागणी केली.

दाबोळी विमानतळावर काम करणारे कस्टम अधिकारी लोकांना त्रास देत आहेत आणि प्रवाशांची फसवणूक करत आहेत. विमानतळावर येणाऱ्या प्रवाशाकडून शरीरावर असलेल्या सोन्याच्या दागिन्यावर शुल्क आकारले जाते जे अनुज्ञेय आहेत. तसेच त्यांचा मोबाईल बंद केला जातो आणि कुटुंबातील सदस्यांना कॉल किंवा संपर्क करण्याची परवानगी देत नाही. प्रवाशांना केवळ विदेशी चलनातच शुल्क भरण्याची तंबी दिली जाते.

Dabolim विमानतळावर कस्टम अधिकाऱ्यांचा प्रवाशांना त्रास; NGO चे आयुक्तांना निवेदन
Bank Robbery : केरी बँक दरोडा प्रकरणातील चौथ्या आरोपीला पुण्यातून अटक

दरम्यान, निज गोयकार फौज या बिगर सरकारी संस्थेने कस्टम अधिकाऱ्याकडून प्रवाशांना होणाऱ्या नाहक त्रासामुळे पणजी येथे कस्टम आयुक्त व्ही सुंदरराजन यांची भेट घेऊन निवेदन भेटविले. यात शुल्क भारतात परकीय चलनात का भरावे लागते असा सवाल करताना यावरून सेंट्रल रिझर्व्ह बँकेच्या महसुलाची या कस्टम अधिकाऱ्याकडून फसवणूक झाल्याचे दिसून येते असे म्हटले आहे.

सरकारी महसूल ची फसवणूक केल्याबद्दल रिझर्व बँक मार्गदर्शक तत्वे आणि कस्टम एक्ट 1962 नुसार भ्रष्टाचार करणाऱ्या आणि त्यांचे कर्तव्य न बजावणाऱ्या अशा कस्टम अधिकाऱ्यांची चौकशी करून त्यांच्यावर कारवाई करावी अशी मागणी निज गोयकार फौज या बिगर सरकारी संस्थेने केली आहे.

Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.

दैनिक गोमन्तक आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, इन्स्टाग्राम, ट्विटर, शेअर चॅट आणि टेलिग्राम आम्हाला फॉलो करा. तसेच, दैनिक गोमन्तकच्या यूट्यूब चॅनेलला आजच सबस्क्राइब करा.

Related Stories

No stories found.
Dainik Gomantak | दैनिक गोमन्तक
dainikgomantak.esakal.com