Goa Dams: 14 नोव्हेंबरपासून शेतीसाठी पाणी; धारबांदोड्यात दोन नवी धरणं- सुभाष शिरोडकर

धारबांदोडा येथील काजूमळ आणि तातोडी येथे दोन लहान धरणं उभारली जाणार आहेत.
Goa Dams
Goa DamsDainik Gomantak

धरणातील पाणी शेतीकामासाठी 14 नोव्हेंबरपासून उपलब्ध होईल अशी माहिती जलस्त्रोत मंत्री सुभाष शिरोडकर यांनी दिली. तसेच, धारबांदोड्यात दोन लहान नवी धरणं बांधली जाणार असून, याचे लवकरच काम सुरू होईल असे मंत्री शिरोडकर म्हणाले.

Goa Dams
National Junior Archery: राष्ट्रीय ज्युनियर तिरंदाजी स्पर्धेत उत्तर प्रदेश, महाराष्ट्राला सांघिक जेतेपद

गोव्यातील धरणांचे पाणी शेतीकामासाठी 14 नोव्हेंबरपासून उपलब्ध करून दिले जाईल. पिण्याच्या पाण्याची कमतरता अजिबात भासणार नाही. तसेच, धारबांदोडा येथील काजूमळ आणि तातोडी येथे दोन लहान धरणं उभारली जाणार आहेत. यासाठी लवकरच काम सुरू होईल. याशिवाय चरावणे, सत्तरी येथील धरणही लवकरच पूर्ण होईल. अशी माहिती जलस्त्रोत मंत्री सुभाष शिरोडकर यांनी दिली.

Goa Dams
Goa Rain Update: गोव्यात 12 ते 14 नोव्हेंबर दरम्यान हलक्या पावसाची शक्यता

नोव्हेंबरच्या शेवटी किंवा डिसेंबर महिन्यात गोव्यातील सहा धरणांमधून पाणी सोडले जाईल असे मंत्री शिरोडकर यांनी सांगितले होते. मात्र, शिरोडकर यांनी सांगे व केपे भागात भेट दिली असता येथील शेतकऱ्यांनी त्यांना लवकर पाणी सोडण्याची विनंती केली. दरम्यान, धरणांमध्ये पुष्कळ पाणी असल्याचे शिरोडकर म्हणाले आहेत.

गोव्यातील सात तालुके शेतीवर अवलंबून आहेत, जवळपास आठ हजार शेतकरी शेती करतात. कोरोना नंतर अनेक युवा देखील शेतीकडे वळाले आहेत. फेब्रुवारी आणि मार्च महिन्यात आपल्याला प्रामुख्याने पिण्यासाठी पाण्याचा वापर करावा लागेल. महाराष्ट्र सरकार तिलारी कॅनालची दुरूस्ती करणार असल्याने आपल्याला खबरदारी घ्यावी लागेल असे शिरोडकर म्हणाले.

Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.

दैनिक गोमन्तक आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, इन्स्टाग्राम, ट्विटर, शेअर चॅट आणि टेलिग्राम आम्हाला फॉलो करा. तसेच, दैनिक गोमन्तकच्या यूट्यूब चॅनेलला आजच सबस्क्राइब करा.

Related Stories

No stories found.
Dainik Gomantak | दैनिक गोमन्तक
www.dainikgomantak.com