Goa flood: आमडई-सांगेतील पुराच्या तडाख्यात बागायतींची मोठी हानी

सांगेत आलेल्या पुराच्या तडाख्यात अनेकांच्या घरांची, नासधूस झाली असून आमडई सांगे येथील प्रीती गावकर, सूर्याजी गावकर, व मथुरे गावकर यांच्या बागायतींची हानी झाली.
Goa flood: आमडई-सांगेतील पुराच्या तडाख्यात बागायतींची मोठी हानी
Damage to orchards in Amdai-SangeDainik Gomantak

सांगे: सांगेत आलेल्या पुराच्या तडाख्यात अनेकांच्या घरांची, बागायतींची नासधूस (Damage to orchards) झालेली असून आमडई सांगे (Amdai-Sange) येथील प्रीती गावकर, सूर्याजी गावकर, व मथुरे गावकर यांच्या बागायतींची हानी झाली आहे. पुराच्या तडाख्यात मोठ मोठी झाडे, ओंडके, पाला पाचोळा वाहून आल्याने बागायती मधील पोफळी, कवाथे, केळींची हानी झाली. तर प्रीती गावकर हिच्या बागायतींमधील पम्पहाऊस पुराच्या तडाख्यात जमीनदोस्त होऊन सामान वाहून गेले. गावकऱ्यांच्या म्हणण्यानुसार, गेल्या २५-३० वर्षात अश्या प्रकारे पुराचे पाणी कधीच आले नव्हते. या पुराने काही वेळातच होत्याचे नव्हते केले. बागायती (orchards) साफ करण्यासाठीही खर्च करावा लागणार आहे. सरकारकडून (Goverment) मिळणारी नुकसान भरपाई ही नगण्य असते. मात्र, यावेळी योग्य अशी नुकसान भरपाई देण्यात यावी अशी मागणी सूर्याजी गावकर यांनी केली आहे.

Damage to orchards in Amdai-Sange
Goa Flood: पंचायत महिला शक्ती अभियानतर्फे पूरग्रस्तांना कडधान्य वाटप

आमडई गावात आलेला पूर हा उगे नदीचा (Uge river) आहे. नदीचे मूळ उगमस्थान कर्नाटकात (Krnataka) असल्याने कर्नाटक सरकारने कद्रा, कोडसळली, गणेशगुडी धरणातून (Dam) पाण्याचा विसर्ग केल्याने हे पाणी उगे नदीत जमा झाले. त्यामुळे पाण्याच्या पातळीत वाढ होवून पुर आला असावा असा म्हटले जात आहे. शुक्रवारी दिवसभर पावसाने उसंत घेतली असतानाही पाणी वाढत गेले. शिवाय पाण्याचा प्रवाह हा पुराच्या प्रवाहासारखा नसून अचानक आलेल्या पाण्याचा लोट असावा. त्यामुळेच पाणी झाडे पेडे उन्मळून पडली व हे सर्व उगे नदीत समाविष्ट होत संगमेश्वर (Sangmaneshwar) नदीला जाऊन मिळाल्याने मीराबाग, धडे गाव पाण्याखाली गेले. मात्र, त्या गावात साळावलीचे पाणी सोडल्याची जोरदार चर्चा सुरु होती. शुक्रवारी (ता. २३) आलेल्या पुरात सूर्याजी गावकर यांच्या बागायतीतील पोफळी, कवाथे यांची मोठी नुकसानी झाली आहे. मोठमोठी झाडे त्यांच्या बागायतीत येऊन पडल्याने पोफळी मोडून पडल्या आहेत. अनेक ठिकाणी पुराचे पाणी ओसरल्यानंतर झालेली नुकसानी दिसून आली. सरकारने तातडीने सर्व्हेक्षण करून लवकरात लवकर नुकसान भरपाई देण्याची गरज आहे.

Related Stories

No stories found.