Goa Environment Care: 'कर्नाटकच्या धरणांमुळे गोव्याच्या पर्यावरणावर होईल परिणाम'; विजय सरदेसाई

गोवा कर्नाटकला रोखण्यात अपयशी ठरल्यास, त्यांच्या धरणांचा गोव्याच्या नाजूक पर्यावरणावर विनाशकारी परिणाम होईल, असे GFP प्रमुख विजय सरदेसाई यांनी सांगितले
Vijay Sardesai
Vijay SardesaiDainik Gomantak

केरी: गोवा कर्नाटकला रोखण्यात अपयशी ठरल्यास, त्यांच्या धरणांचा गोव्याच्या नाजूक पर्यावरणावर विनाशकारी परिणाम होईल, असे GFP प्रमुख विजय सरदेसाई यांनी पक्षाच्या सदस्यांसह बेळगावी जिल्ह्यातील कलसा आणि हलतारा येथील कर्नाटकच्या प्रस्तावित धरण स्थळांना भेट दिल्यानंतर सांगितले.

(Dams in Karnataka will affect Goa's environment)

Vijay Sardesai
Goa Petrol Price: कच्च्या तेलाच्या किमतीत मोठी घसरण, पण गोव्यात पेट्रोल-डिझेल महागले?

“कर्नाटक सरकारने कलसा प्रकल्प हाती घेण्यासाठी सर्वेक्षण आणि माती परीक्षण पूर्ण केले आहे. कलसा नदी वळवल्याने नानोदा नाल्याचा प्रवाह मोठ्या प्रमाणात कमी होईल, तर हलतारा नाल्याला वळवल्याने गोव्याच्या पाडोशे आणि साखळी येथील जलशुद्धीकरण केंद्रांना पिण्याच्या पाण्याची तीव्र टंचाई निर्माण होईल,” असे सरदेसाई म्हणाले. या कामाचा गोव्यातील वन, पर्यावरण आणि वन्यजीवांवरही मोठ्या प्रमाणात परिणाम होईल, असेही ते म्हणाले.

एका स्थानिक वृत्तपत्रात कर्नाटकने धरणाच्या ठिकाणी सर्वेक्षण आणि माती परीक्षण पूर्ण केल्याबद्दल अहवाल प्रकाशित केल्यानंतर, GFP ने गोव्याच्या मुख्य सचिवांना पत्र लिहून कर्नाटकला काम करण्यापासून रोखण्यासाठी तातडीची पावले उचलण्याची विनंती केली होती. जीएफपीचे प्रवक्ते दुर्गादास कामत म्हणाले की, कलसा प्रकल्पाचे काम सुरू करण्यापासून कर्नाटकला रोखण्यात गोवा सरकार सपशेल अपयशी ठरले आहे.

Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.

दैनिक गोमन्तक आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, इन्स्टाग्राम, ट्विटर, शेअर चॅट आणि टेलिग्राम आम्हाला फॉलो करा. तसेच, दैनिक गोमन्तकच्या यूट्यूब चॅनेलला आजच सबस्क्राइब करा.

Related Stories

No stories found.
Dainik Gomantak | दैनिक गोमन्तक
www.dainikgomantak.com