Goa Environment:...यामुळे सांगेत धोकादायक झाडांची कापणी सुरू

सांगे मतदारसंघातील सर्व धोकादायक जीर्ण झाडे कापून टाकण्याच्या मोहिमेला सुरुवात करण्यात आली.
Goa Environment
Goa EnvironmentDainik Gomantak

Goa Environment: अनिता फर्नांडिस या निष्पाप महिलेचा बळी गेल्यानंतर सांगेतील प्रशासन धोकादायक झाडे मुळासकट कापून टाकण्यासाठी कामाला लागले असून काल सकाळी सांगे बसस्थानकावर असलेले धोकादायक आंब्याचे झाड कापून सांगे मतदारसंघातील सर्व धोकादायक जीर्ण झाडे कापून टाकण्याकच्या मोहिमेला सुरुवात करण्यात आली.

यावेळी नगराध्यक्ष प्रीती नाईक, उपनगराध्यक्ष केरोज क्रुझ, नगरसेवक संगमेश्वर नाईक उपस्थित होते.

Goa Environment
Mahadayi Water Dispute : गोव्याची जीवनदायिनी 'म्हादई' संपली तर झुवारीही संपेल!

सकाळी 7.30 वाजता या मोहिमेला सुरुवात करण्यात आली. पालिका पर्यवेक्षक लुईस फर्नांडिस सांगे पालिकेच्या सफाई कर्मचाऱ्यांना सोबत घेऊन मोहिमेत सहभागी झाले होते.

हे आंब्याचे झाड मोटरसायकल पायलट थांबत असलेल्या बाजूने कलले होते. ते तोडल्यामुळे अनेक नागरिकांनी समाधान व्यक्त केले.

उपजिल्हाधिकारी अश्विन चंद्रू, मामलेदार प्रवीणजय पंडित, सांगे तालुका सर्कल इन्स्पेक्टर विठू खरात, वन खाते, पोलिस, सांगे पालिका, पंचायत तलाठी अशा सर्वांना सोबत घेऊन सांगेचे आमदार सुभाष फळदेसाई यांनी बैठक घेऊन नव्वद दिवसांत सर्व धोकादायक झाडे कापण्याची सूचना केली होती व हयगय केल्यास निर्माण होणाऱ्या परिस्थितीला जबाबदार धरणार असल्याचा इशाराही दिला होता.

Goa Environment
Goa Police: मुरगाव तालुक्यात पोलिसांची उत्तम कामगिरी

कालपासून सुरू केलेली ही मोहीम सांगेतील नागरिकांना, दळणवळणासाठी धोकादायक असलेली सगळी झाडे कापल्यानंतरच थांबली पाहिजे. सांगेतील सगळ्या रस्त्यांच्या बाजूला असलेली जुनी झाडे कापून रस्ते वाहतुकीसाठी मोकळे करावेत.

केवळ कारवाई म्हणून चार-पाच झाडे न कापता सर्व्हे केलेली सर्व झाडे कापल्यास निष्पाप बळी गेलेल्या अनिता फर्नांडिस यांना ती खरी श्रद्धांजली ठरेल. - संगमेश्वर नाईक, नगरसेवक

Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.

दैनिक गोमन्तक आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, इन्स्टाग्राम, ट्विटर, शेअर चॅट आणि टेलिग्राम आम्हाला फॉलो करा. तसेच, दैनिक गोमन्तकच्या यूट्यूब चॅनेलला आजच सबस्क्राइब करा.

Related Stories

No stories found.
logo
Dainik Gomantak | दैनिक गोमन्तक
www.dainikgomantak.com