Goa Politics: काँग्रेसमधील शिस्त व नेतृत्व अभावामुळेच पक्षांतरे - मांद्रेकर

कॉंग्रेसच्या 18 बंडखोर आमदारांनी आतापर्यंत पक्षांतर करून सत्ताधारी भाजपमध्ये प्रवेश केला आहे.
माजी मंत्री दयानंद मांद्रेकर
माजी मंत्री दयानंद मांद्रेकरDainik Gomantak

शिवोली : 2017 पासून विधानसभेच्या सलग दोन निवडणुकानंतर कॉंग्रेसच्या 18 बंडखोर आमदारांनी आतापर्यंत पक्षांतर करून सत्ताधारी भाजपमध्ये प्रवेश केला आहे. हा प्रकार किळसवाणा असून लोकांमध्ये नाराजी वाढत आहे, अशी टीका माजी आमदार तथा मंत्री दयानंद मांद्रेकर यांनी केली.

कॉंग्रेसमध्ये शिस्त आणि नेतृत्वाचा अभाव असल्यानेच असे प्रकार घडतात. मी माझ्या पक्षाचा शिस्तप्रिय सैनिक असून स्थानिक मंडळाच्या सदस्य पदापासून ते राज्य कार्यकारिणीचा उपाध्यक्ष आणि आमदार पदापासून ते मंत्रिपदाचा कार्यभार समर्थपणे निभावलेला आहे. त्यामुळे सद्यस्थितीत होणाऱ्या पक्षांतरामुळे माझ्यावर काहीच परिणाम होणार नाही.

माजी मंत्री दयानंद मांद्रेकर
Margao Muncipality: 'देव मलाच पावला' ; नवनिर्वाचित नगराध्यक्ष घन:श्‍याम शिरोडकर

मी माझ्या जीवनात समाधानी आहे. 2007 नंतर सलग पाच वर्षे एकूण 14 आमदारांचे संख्याबळ असलेल्या भाजपने विरोधी पक्षाची भूमिका तटस्थपणे निभावल्यानेच 2012 सालच्या निवडणुकीत जनतेने भाजचे एकवीस आमदार निवडून देत स्पष्ट बहुमत दिले होते. त्यानंतर मनोहर पर्रीकर यांच्या नेतृत्वाखाली भाजप सरकारने पाच वर्षांचा कार्यकाळ यशस्वीरित्या पूर्ण केला. पण सध्याच्या पक्षांतराबद्दल मला काही बोलायचे नाही. परंतु योग्य वेळी सूज्ञ जनता पक्षांतरे करणाऱ्यांना त्यांची जागा दाखवून देईल.

Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.

दैनिक गोमन्तक आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, इन्स्टाग्राम, ट्विटर, शेअर चॅट आणि टेलिग्राम आम्हाला फॉलो करा. तसेच, दैनिक गोमन्तकच्या यूट्यूब चॅनेलला आजच सबस्क्राइब करा.

Related Stories

No stories found.
Dainik Gomantak | दैनिक गोमन्तक
www.dainikgomantak.com