Goa Crime: करंझाळे किनाऱ्यावर आढळला बेवारस मृतदेह; हत्येचा संशय

करंझाळे समुद्रकिनाऱ्यावर आज एक बेवारस मानवी मृतदेह आढळल्याने परिसरात खळबळ उडाली आहे. याबाबतची माहिती स्थानिकांनी पोलिसांना कळवल्याने घटनास्थळी पोलिस तातडीने दाखल झाले आहेत. तसेच घटनेचा पंचनामा सुरु आहे.

(Dead body found in Caranzalem beach Police reached the spot )

मिळालेल्या माहितीनुसार आज सकाळच्या सुमारास करंझाळे समुद्रकिनाऱ्यावरुन स्थानिक नागरीक जात असताना त्यांना मानवी देहाचे काही अवशेष आढळले. याची माहिती स्थानिकांनी पोलिसांनी दिली असल्याने घटनास्थळी पोलीस दाखल झाले आहे.

पोलिसांनी दिलेल्या प्राथमिक माहितीनुसार हा घातपाताचा प्रकार असून खुनातून हा प्रकार घडला असल्याचा संशय पोलिसांनी व्यक्त केला आहे.सध्या विशेष पथकाच्या आधारे मृतदेह ताब्यात घेण्याचे काम सुरु आहे. पोलिसांनी घटनेचा पंचनामा करत मृतदेहाची ओळख पटण्यासाठी तपास पथके कार्यरत झाली आहेत. त्यामुळे घटनेचा उलघडा होण्यास मदत होणार असल्याचं पोलिस कर्मचाऱ्यांनी माहिती दिली आहे.