Panjim : पणजीतील दिवजा सर्कल परिसरात आज सकाळी एका अज्ञाताचा मृतदेह सापडल्याने खळबळ उडाली आहे. मांडवी नदीपात्रात हा मृतदेह तरंगताना आढळला आहे. पोलीस घटनास्थळी दाखल झाले असून पंचनामा करत मृतदेहाची ओळख पटवण्याचं कामही सुरु केलं आहे. (Panaji Latest News)
पणजीत दिवजा सर्कलजवळच असलेल्या मांडवी नदीच्या पात्रात आज सोमवारी सकाळी एका अज्ञात व्यक्तीचा मृतदेह सापडला आहे. हा मृतदेह एका वयस्क व्यक्तीचा असल्याची माहिती आहे. दरम्यान या व्यक्तीने आत्महत्या केली की त्याचा घातपात झाला याबाबत कोणतीही माहिती मिळू शकलेली नाही. पोलिसांनी घटनास्थळी धाव घेत मृतदेह पाण्यातून बाहेर काढला आहे.
पणजी पोलिसांनी याप्रकरणी पंचनामा करुन पुढील तपास सुरु केला आहे. मृत व्यक्तीच्या खिशातून पोलिसांना रोख रक्कम आणि एक सिमकार्ड मिळालं आहे. पोलिसांनी या दोन्हीही गोष्टी ताब्यात घेतल्या असून मृताची ओळख पटवण्याचं काम पोलीस करत आहेत. पंचनामा झाल्यानंतर हा मृतदेह उत्तरीय तपासणीसाठी बांबोळीतील गोमेकॉ रुग्णालयात पाठवण्यात येणार आहे.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.
दैनिक गोमन्तक आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, इन्स्टाग्राम, ट्विटर, शेअर चॅट आणि टेलिग्राम आम्हाला फॉलो करा. तसेच, दैनिक गोमन्तकच्या यूट्यूब चॅनेलला आजच सबस्क्राइब करा.
