IVERMECTIN चा घोळ सुटेना; किटमधून दिल्या आयव्हर्मेक्टिन गोळ्या

गोमंन्तक वृत्तसेवा
शुक्रवार, 11 जून 2021

गोवा वैद्यकीय महाविद्यालयाचे डीन डॉ. शिवानंद बांदेकर यांनी कोरोना रुग्णांना किटमधून आयव्हर्मेक्टिन गोळ्या दिल्याची कबुली दिली.

पणजी: आयव्हर्मेक्टिन(Ivermectin tablet) गोळ्या खरेदी केल्याचा इन्कार मुख्यमंत्री प्रमोद सावंत(CM Pramod Sawant) यांनी केला होता. त्यानंतर गुरुवारी गोवा वैद्यकीय महाविद्यालयाचे(Gomaco) डीन डॉ. शिवानंद बांदेकर यांनी कोरोना रुग्णांना किटमधून आयव्हर्मेक्टिन गोळ्या दिल्याची कबुली दिली. त्यामुळे गोळ्यांचा संभ्रम अजूनही सुटलेला नाही. जर गोळ्या खरेदी केल्याच नाहीत तर कोरोना रुग्णांच्या किटमध्ये त्या कशा आल्या? हा प्रश्‍न उपस्थित होत असून सरकार व आरोग्य यंत्रणा यांच्यात  सुरू असलेल्या सावळागोंधळाचे दर्शन गुरुवारी घडले. (Dean of Goa Medical College Dr Shivanand Bandekar confesses to giving corona patients ivermectin tablets from the kit) 

Covid-19 Goa: मृत्युदरात घट; गुरुवारी 13 कोरोना रूग्णांचा मृत्यू 

गोमेकॉच्या आवारात झालेल्या एका कार्यक्रमाच्या दरम्यान डीन डॉ. शिवानंद बांदेकर यांनी आयव्हर्मेक्टिनच्या गोळ्यांचा वापर गोव्यात झाल्याचे सांगितले. कोरोना रुग्णांच्या किटमधून त्या दिल्याचे ते म्हणाले. आरोग्यमंत्री विश्‍वजीत राणे यांना याबाबत विचारले असता ते म्हणाले, की कोरोनावरील उपचार आणि औषधे बदलत आहेत. पूर्वी प्लाझ्मामुळे कोरोनाबाधित बरे होत होते. काही काळानंतर ते बंद झाले. आयव्हर्मेक्टिन गोळ्यांचे तसेच आहे. आता त्या उपचारातून काढल्या. पूर्वी होत्या. आम्हीही त्या आता हटवल्या आहेत, असे राणे म्हणाले. मुख्यमंत्र्यानी आयव्हर्मेक्टिनच्या खरेदीचा प्रस्ताव रद्द केला नसल्याचे सांगितले होते. त्यामुळे सरकार आणि आरोग्य खात्यात योग्य ताळमेळ नसल्याचे या प्रकरणावरून दिसून आले आहे.

 

संबंधित बातम्या