गोव्यातला कोरोना बळींचा आकडा ७०१ वर

Death number of corona patients in Goa crossed 700
Death number of corona patients in Goa crossed 700

पणजी :  राज्यात आज तीन कोरोना पॉझिटिव्ह रुग्णांचा मृत्यू झाला. ज्यामुळे राज्यात आजवर झालेल्या कोरोना बळींची संख्या संख्या ७०१ इतकी झाली आहे, दरम्यान आज ९० लोकांना कोरोनाची लागण झाली, तर १५४ लोक कोरोनामुक्त झाल्याची माहिती आरोग्य खात्याने दिली. आज मिळालेल्या माहितीनुसार, राज्यातील रिकव्हरी रेट ९५.९० टक्के इतका आहे. राज्यभरात १२९७ कोरोनाचे सक्रिय रुग्ण आहेत. आज १०२ लोकांनी होम आयसोलेशनचा मार्ग उपचारासाठी स्वीकारला, तर इस्पितळात उपचार करण्यासाठी ४१ लोकांना भरती करून घेण्यात आले. पंधराशे पंच्याहत्तर कोरोना पडताळणी चाचण्या करण्यात आल्या.


आज ज्यांचा मृत्यू झाला त्यांच्यामध्ये ७८ वर्षीय पुरुष, हळदोणे येथील ७१ वर्षीय पुरुष आणि माजोर्डा येथील ७६ वर्षीय महिलेचा समावेश आहे. यातील दोन मृत्यू गोवा वैद्यकीय महाविद्यालयात आणि एक मृत्यू इएसआय इस्पितळात झाला आहे. 
राज्यातील उत्तर गोव्यातील कोरोना केअर सेंटरची क्षमता २७५ खाटांची आहे. यातील २४५ खाटा सध्या रिकाम्या आहेत, तर दक्षिण गोव्यातील कोरोना केअर सेंटरची क्षमता ६० असून यातील ४६ खाटा रिकाम्या आहेत. सरकारकडे लोकांच्या उपचारासाठी पुरेशी जागा उपलब्ध असल्याची माहिती आरोग्य खात्याने दिली.  


राज्यातील कोरोनाचे रुग्ण

  • पर्वरी - ८९, मडगाव - ११७, 
  • फोंडा - ६८,  वास्को - ६३, 
  • लोटली - ४७ पणजी - ७८, 
  • चिंबल - ५३

अधिक वाचा :

Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.

दैनिक गोमन्तक आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, इन्स्टाग्राम, ट्विटर, शेअर चॅट आणि टेलिग्राम आम्हाला फॉलो करा. तसेच, दैनिक गोमन्तकच्या यूट्यूब चॅनेलला आजच सबस्क्राइब करा.

Related Stories

No stories found.
Dainik Gomantak | दैनिक गोमन्तक
dainikgomantak.esakal.com