डिचोली: ‘कोविड’(Covid-19) ची दहशत वाढलेल्या डिचोली(Bicholim) तालुक्यात कोरोना सक्रिय रुग्णसंख्या(patients) हळूहळू घटत आहे. तर दुसऱ्याबाजूने कोरोनामुळे बळी जाण्याचे सत्र चालूच आहे. मागील चोवीस तासात साखळी परिसरातील एका 43 वर्षीय व्यक्तीसह तालुक्यात दोन व्यक्तींचे कोरोनामुळे बळी गेल्याची माहिती आरोग्य खात्याच्या(Health department) प्रसिद्धी पत्रकावरून मिळाली आहे. ‘कोविड’चे संकट दूर करण्यासाठी जनतेने योग्य ती काळजी घ्यावी. असे आवाहन सभापती राजेश पाटणेकर यांनी केले आहे.(Decrease in the number of Corona active patients in Bicholim area of Goa)
सक्रिय रुग्णसंख्या घटली
डिचोली मामलेदार कार्यालयातून उपलब्ध झालेल्या माहितीनुसार, मागील चोवीस तासात डिचोली विभागात 17 आणि मये विभागात 18 मिळून तालुक्यात 35 कोरोना संक्रमित रुग्ण आढळून आले आहेत. तर साखळी विभागात एकही संक्रमित रुग्ण आढळून आलेला नाही. डिचोली सामाजिक आरोग्य केंद्राच्या कार्यक्षेत्रात 839 सक्रिय रुग्ण आहेत. मागील आठवड्यात रुग्णसंख्येने हजाराचा आकडा पार केला होता.
कोरोना सक्रिय रुग्णसंख्या घटत असली, तरी बळींचे सत्र यामुळे डिचोली तालुक्यात पसरलेली धास्ती कायम आहे. दुसऱ्या बाजूने डिचोली शहरासह तालुक्यात जंतूनाशक औषध फवारणी आदी प्रतिबंधात्मक उपाययोजना हाती घेण्यात येत आहे.दुसऱ्या बाजूने डिचोली शहरासह तालुक्यात जंतूनाशक औषध फवारणी आदी प्रतिबंधात्मक उपाययोजना हाती घेण्यात येत आहे.
मागील दोन दिवसांपासून डिचोलीत ''कोविड'' सक्रिय रुग्णसंख्या घटत आहे. ही निश्चितच दिलासादायक बाब आहे. रुग्णसंख्या कमी होतेय म्हणून जनतेने गाफील राहता कामा नये. सामाजिक नियम पाळून योग्य ती खबरदारी घ्यावी. अनावश्यक घराबाहेर पडू नये.
- राजेश पाटणेकर, सभापती.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.
दैनिक गोमन्तक आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, इन्स्टाग्राम, ट्विटर, शेअर चॅट आणि टेलिग्राम आम्हाला फॉलो करा. तसेच, दैनिक गोमन्तकच्या यूट्यूब चॅनेलला आजच सबस्क्राइब करा.