सारमानस स्मशानभूमीचे बुधवारी लोकार्पण

ग्रामसमृद्धी योजनेंतर्गत प्रकल्पाची उभारणी, 31 लाख रुपये खर्च
Sarmanas Cemetery
Sarmanas CemeteryDainik Gomantak

डिचोली: पिळगाव पंचायत क्षेत्रातील सारमानस भागातील लोकांची गेल्या कैक वर्षांपासूनची स्मशानभूमीची प्रतीक्षा एकदाची संपली आहे. ग्रामीण विकास यंत्रणेच्या ग्रामसमृद्धी योजनेंतर्गत सारमानस येथे सर्व सोयीनीयुक्त अशी स्मशानभूमी बांधण्यात आली असून, येत्या बुधवारी (ता. 27) या प्रकल्पाचे लोकार्पण करण्यात येणार आहे. सुमारे 31 लाख खर्चून हा प्रकल्प उभा करण्यात आला आहे. गेल्यावर्षी जुलै महिन्यात या प्रकल्पाची पायाभरणी करण्यात आली होती. मात्र सुरुवातीचे दोन-तीन महिने प्रकल्पाच्या कामाला सुरवातच झाली नव्हती. त्यामुळे या प्रकल्पाचे भवितव्य अनिश्चित होते. कधी एकदाची स्मशानभूमी पूर्णत्वास येऊन एखाद्याच्या अंतिम संस्कारावेळी होणारी अडचण दूर होणार, त्याकडे सारमानसवासियांचे लक्ष लागले होते.

Sarmanas Cemetery
'गोव्याची राजभाषा कोणती, हा आमचा अंतर्गत प्रश्न'

सेसाचे (वेदांता) सहकार्य

सारमानस भागातील स्मशानाची जागा ही अत्यंत अडगळीच्या ठिकाणी असल्याने त्याठिकाणी अंत्यविधी करण्याचे टाळून स्थानिक मिळेल, त्याठिकाणी मोकळ्या जागेत अंत्यविधी उरकून घेत असत. ही अडचण लक्षात घेऊन पंच अनिल नाईक यांच्या प्रयत्नातून सारमानस भागात कार्यरत असलेल्या सेसा (वेदांता) खाण कंपनीने स्मशानभूमीसाठी नव्याने 500 चौरस मीटर जागा उपलब्ध करून दिली. याच जागेत ग्रामीण विकास यंत्रणेच्या ग्रामसमृद्धी योजनेंतर्गत 31 लाख रुपये खर्चून स्मशानभूमी प्रकल्प उभा राहिला आहे.

Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.

दैनिक गोमन्तक आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, इन्स्टाग्राम, ट्विटर, शेअर चॅट आणि टेलिग्राम आम्हाला फॉलो करा. तसेच, दैनिक गोमन्तकच्या यूट्यूब चॅनेलला आजच सबस्क्राइब करा.

Related Stories

No stories found.
Dainik Gomantak | दैनिक गोमन्तक
dainikgomantak.esakal.com