म्हापसा मांस प्रकल्पाला मुहूर्त कधी? अद्याप वीजजोडणीच नाही

Mapusa Beef Project : तात्पुरत्या स्टॉल्सची स्थितीही जीर्ण
म्हापसा मांस प्रकल्पाला मुहूर्त कधी? अद्याप वीजजोडणीच नाही
Mapusa Beef ProjectDainik Gomantak

म्हापसा : दहा महिन्यांपूर्वी उद्‍घाटन झालेला मांस (बीफ) मार्केट प्रकल्प अजूनही वीजजोडणी नसल्याने कार्यान्वित होण्याच्या प्रतीक्षेत आहे. परिणामी, व्यापारी सध्या तात्पुरत्या स्टॉल्समधून आपला व्यवसाय करत आहेत, ज्यांची स्थिती बिकट बनली आहे.

प्राप्त माहितीनुसार 14 ऑगस्ट 2021 रोजी म्हापसा पालिकेने या नवीन मांस प्रकल्पाचे उद्‌घाटन केले होते. जुने बांधकाम पाडून याठिकाणी 1.5 कोटी रुपये खर्चून आता नवीन कॉम्प्लेक्स बांधण्यात आले आहे. या प्रकल्पात एकूण 14 नवीन स्टॉल्स आहेत. मात्र, जवळपास दहा महिने उलटूनही हे स्टॉल्स अद्याप सुरू होण्याची कुठलीच लक्षणे दिसत नाहीत.

Mapusa Beef Project
गुंडगिरी पोलिसांना सरकारचा पाठिंबा ; खाणग्रस्त संघटनेचा आरोप

हे नवीन स्टॉल्स कार्यान्वित होणे बाकी असल्याने परिणामी व्यापाऱ्यांना आकाराने लहान आणि मूलभूत सुविधांचा अभाव असलेल्या शेजारील तात्पुरत्या स्टॉल्समध्ये त्यांना जुळवून घ्यावे लागत आहे. याशिवाय सध्याच्या तात्पुरत्या स्टॉल्सची स्थितीही दिवसेंदिवस जीर्ण होत चालली आहे. कारण, आतून या स्टॉल्सचे फ्लोअरिंग तुटत आहे. त्यामुळे या स्टॉल्सची स्थिती दयनीय होत चालली आहे. या कालावधीत व्यापाऱ्यांनी विविध प्रसंगी म्हापसा पालिकेकडे नवीन स्टॉल्सचा ताबा देण्याबाबत समस्या मांडल्या आहेत. जेणेकरून ते नवीन प्रकल्पात व्यवसाय सुरू करू शकतील.

या नवीन स्टॉल्सचा ताबा व्यापाऱ्यांना दिला असून, वीज कनेक्शन घेण्यासाठी एनओसीही दिल्याची माहिती सूत्रांनी दिली. या नवीन कॉम्प्लेक्ससाठी वापरण्यात येणारा भार पाहता वीज खात्याने या व्यापाऱ्यांना प्रकल्पासाठी स्वतंत्र भूमिगत वीजवाहिन्या ठेवण्यास सांगितल्याची माहिती सूत्रांनी दिली. त्यासाठी 3 लाख रुपयांचे अंदाजपत्रक तयार केले असून, आता या कामाचा निर्णय पालिकेने घेणे बाकी आहे.

Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.

दैनिक गोमन्तक आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, इन्स्टाग्राम, ट्विटर, शेअर चॅट आणि टेलिग्राम आम्हाला फॉलो करा. तसेच, दैनिक गोमन्तकच्या यूट्यूब चॅनेलला आजच सबस्क्राइब करा.

Related Stories

No stories found.
Dainik Gomantak | दैनिक गोमन्तक
www.dainikgomantak.com