म्हापसा : मंत्री विश्वजीत राणे हे आता वैयक्तिकरित्या लक्ष्य करू पाहताहेत आणि ते आमच्या व्यवसायावर गेले आहेत. मुळात ‘बागा डेक’ व ‘नाझरी रिसॉर्ट’चे बांधकाम विरोधी पक्षनेते मायकल लोबो हे राजकारणात येण्यापूर्वीचे आहे. त्यामुळे राजकारणात इतक्या खालच्या पातळीवर जाण्याची गरजच नाही, असे म्हणत शिवोलीच्या आमदार डिलायला लोबो यांनी मंत्री राणे यांच्या भूमिकेवर टीका केली. शनिवारी त्या शिवोलीत माध्यमांकडे बोलत होत्या.
जर ओडीपी योग्य नसल्यास त्या दुरुस्त करा, पण अशाप्रकारे खालच्या पातळीवर सुरू असलेले हे राजकारण मी आयुष्यात पहिल्यांदाच पाहत आहे आणि ते असे कुठल्या कारणास्तव करताहेत, याचे उत्तर मंत्री राणे हेच देऊ शकतात, असेही डिलायला म्हणाल्या.
मंत्री विश्वजीत राणे हे मुळचे काँग्रेसचे. आता ते भाजपात गेले आहेत आणि तिथे मंत्री बनले आहेत. ही बाब आम्ही समजून घेतली पाहिजे, यावर डिलायला लोबोंनी जोर दिला.
डिलायला पुढे म्हणाल्या की, कुणीही सत्ता डोक्यात घालून घेऊ नये. कारण, परमेश्वर सगळे पाहतोय आणि प्रत्येकाला देवाची भीती असावी. मुळात असे वैयक्तिकरित्या लक्ष्य करणे अयोग्य आहे. मंत्री राणे हवे ते करू द्या, आमच्याकडे सर्व परवाने आहेत, असे डिलायला यांनी शेवटी स्पष्ट केले.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.
दैनिक गोमन्तक आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, इन्स्टाग्राम, ट्विटर, शेअर चॅट आणि टेलिग्राम आम्हाला फॉलो करा. तसेच, दैनिक गोमन्तकच्या यूट्यूब चॅनेलला आजच सबस्क्राइब करा.
