आझाद मैदानावर स्वातंत्र्यसैनिकांचे कुटुंबासह धरणे आंदोलन सुरू

पणजी :  स्वातंत्र्यसैनिकांच्या पाल्यांना सरकारी नोकरीत सामावून घेण्याचे आश्वासन तीन वर्षे उलटून गेले तरी सरकारने पाळले नाही त्यामुळे दिलेल्या इशाऱ्यानुसार आजपासून (४ जानेवारी) आझाद मैदानावर धरणे आंदोलन सुरू केले.

हे आंदोलन सरकार या पाल्यांना सेवेत घेण्यात येईपर्यंत सुरूच राहणार आहे, असा इशारा स्वातंत्र्यसैनिकांचे पाल्य संघटनेचे अध्यक्ष डॉ. शिवाजी शेट यांनी दिला. आजपासून सुरू झालेले हे धरणे आंदोलन सकाळी १० ते दुपारी १ वाजेपर्यंत १७ जानेवारीपर्यंत सुरू राहणार आहे. त्यानंतर १८ ते २१ जानेवारीपर्यंत सकाळी १० ते संध्याकाळी ६ वाजेपर्यंत तर २२ जानेवारीपासून आमरण उपोषण सुरू केले जाणार आहे त्यामध्ये स्वातंत्र्यसैनिक व त्यांची पाल्ये सहभागी होणार आहेत.