आरोबा धारगळे वाठारांन 27 मेक सांजे वेळार संतोष म्हापशेंकार हाच्यां घराक उजो लागून सुमार 80 हजारांचें लुकसाण जालें.उजो लागिल्ल्याची खबर उजो पालोवपी दळाक मेळटाच दळाचे सहाय्यक अधिकारी प्रशांत धारगळकार आनी ताचे जवान घडणुकेचे सवुातेचेर पावले. तांणी रोखड्या रोखडें उज्याचेर नियत्रंण मेळयलें. घराच्या फाटल्यान उदक तापोवपा खातीर उजो पेटयिल्लो. तो सगळे कडेन पातळून घराक लागलो. उजो पालोवपी दळाच्या जवानांनी चार लाखां परत अदीक मोलाचो म्हालवज वाटायलो.उजो पालोवपी दळाचे सहाय्यक अधिकारी प्रशांत धारगळकार, चालक रामदास परब तशेंच यशवंत नायक, केतन कामुलकार, मयूर नायक आनी धनंजय वस्त ह्या जवानांनी हे मोहिमेंत वांटो घेतिल्लो
प्रतिकूल परिस्थितीक लागून कितलेशेच दीस एकाच सुवातेर आशिल्ल्या पावसाक परतून गती मेळ्ळ्या. फुडल्या 24 वरांत मान्सून दक्षिण अरबी दर्यात पावतलो. मालदीव, कोमोरीन, लक्षद्वीप, जुंवे आनी भोंवतणच्या बंगालाच्या खाडींचो आस्पाव जातलो. केरळ, आसाम, कर्नाटक, अस्तंत बंगाल, त्रिपुरा, तेलंगाना, आंध्र प्रदेशांत पावस सुरू जावपाक फावो तशी परिस्थिती आशिल्ल्यान फुडल्या पांच दिसांत व्हड प्रमाणांत पावस पडटलो. तशेंच कोकण मध्य महाराष्ट्रांतल्या मराठवाडा आनी विदर्भाच्या चडशा वाठारांनी पावस पडपाची शक्यताय आसा असो अदमास हवामान खात्यान उक्तायलां.
देशांतलो एक महत्वाकांक्षी प्रकल्प आशिल्लो मोपा विमानतळ प्रकल्प 90 टक्के पुराय जाला आनी पयलें विमान जुलयांत ट्रायल म्हणून देंवतले. जाल्यार वास्तवीक पणान 1 सप्टेंबर सावन ह्या प्रकल्पाची विमानसेवा सुरु जातली. अशी म्हायती मुख्यमंत्री दोतोर प्रमोद सावंतान दिली. मुख्यमंत्र्यान मोपा विमानतळ प्रकल्पाचे जाल्ल्या बांधकामची आनी ताची तयारी ह्या अनुषंगान शुक्रारा मंत्रालयात बसका घेतली. ह्या बसकेत शेतकी मंत्रीरवी नायक विमानतळ प्रकल्पाचे संचालक शानभाग आऩी प्रकल्पाचें कंत्राटदार, जीएमआर कंपनीचें अधिकारी हाजीर आशिल्लें. विमानतळ प्रकल्पाचे 15 ऑगस्टाक उक्तावण करपाचे आशिल्ल्यान ताची तयारी निमण्या टप्प्यांत पावल्या. फकत 10 टक्के काम उरला ते जूनात पुराय जातलें अशेंय ताणी सांगलें.
शुक्रारा जाल्ल्या 680 चांचण्या उपरांत कोरोनाचे 20 दुयेंती मेळिल्ल्यान दुयेंती मेळपाचें प्रमाण 2.94 टक्के जालां. खुबशा दिसा उपरांत दुयेंती मेळपाचें प्रमाण वाडलां. 15 दुयेंती बरे जाल्ल्यान सक्रीय दुयेंतींचो आंकडो 106 चेर पावला. तिसरें ल्हार सोंपले उपरांत दिसाक दुयेंती मेळपाचें प्रमाण सामकें उणें जाल्लें. एप्रीलात दिसाक 5 ते 6 दुयेंती मेळटाले. मात आतां दुयेंती मेळपाचें प्रमाण वाडपाक लागलां. दिसाक 10 वयर दुयेंती मेळटाले. शुक्रारा एकाच दिसा 20 दुयेंती मेळ्ळे. मे म्हयन्यांत सगल्यांत चड दुयेंती शुक्रारा मेळ्ळ्यात. आतां मेरेन कोरोनाचे 2लाख 45 हजार 740 दुयेंती मेळ्ळ्यात. हातूंतले 2लाख, 41 हजार 802 दुयेंती बरे जाल्ल्यान सध्या 106 सक्रीय दुयेंती आसात. आतां सगले दुयेंती घरा आयझोलेशनांत रावतात. दुयेंती बरे जावपाचे प्रमाण 98.40 टक्के आसा.
दिवचलचें सरकारी केंद्रशाळेचे वर्ग जें सुवातेत भरतात, तें पुलीस स्टेशनाचें पोरणे इमारत आशील्ली. ह्या इमारतीची सद्या सामकी अवतिकाय जाल्या. हें इमारतीच्या पांख्याची मोडतोड तर जाल्याच. वेल्यान हें इमारतीत हेडग्या गोरवांचो वावर वाडला. इमारतीत अस्वच्छताय निर्माण जाल्या. ताकालागून हें इमारतीत शाळेचे वर्ग भरतात, की ही इमारत म्हळ्यार गोरवांचो गोठो? असो प्रश्न उप्रासला. कोविडाक लागून फाटली सुमार दोन वर्सा शाळा बंद आशिल्ल्यो. ताकालागून विद्यार्थ्यांक सद्याच्या समस्यांची जाणविकाय जावंक ना.तरी येता त्या शीकणिक वर्षाच्यान शाळा सुरु जातकीच हें इमारतीतल्या समस्यांक विद्यार्थ्यांक तोंड दिवचे पडटले. नवे इमारतीत केंद्रशाळा स्थलांतरीत जायमेरेन तरी विद्यार्थ्यांची परवड जातली.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.
दैनिक गोमन्तक आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, इन्स्टाग्राम, ट्विटर, शेअर चॅट आणि टेलिग्राम आम्हाला फॉलो करा. तसेच, दैनिक गोमन्तकच्या यूट्यूब चॅनेलला आजच सबस्क्राइब करा.
