Dhyan Foundation गुरांसाठी वरदान! गोव्यातील भटक्‍या गुरांचा आधारस्तंभ

Dhyan Foundation: संस्थेतर्फे जखमी गुरांवर उपचार करण्यासाठी शिरवई येथे खास दवाखाना उभारण्‍यात आला आहे.
Goa Dhyan Foundation
Goa Dhyan FoundationDainik Gomantak

Quepem Dhyan Foundation: राज्यात भटक्‍या गुरांची संख्‍या वाढली आहे. ही गुरे भररस्त्यावर ठाण मांडून बसत असल्याने वारंवार अपघात घडत आहेत. त्‍यात या मुक्‍या जनावरांसह अनेक वाहनचालक गंभीर जखमी होण्‍याबरोबरच कित्‍येकांना प्राणही गमवावे लागत आहे. यावर उपाययोजना काढण्‍यासाठी सरकारचे प्रयत्‍न सुरू आहेत.

भटक्या गुरांना वाचविण्यासाठीही सरकारने योजना चालिस लावल्या आहेत. त्‍याचाच एक भाग म्हणून दिल्लीस्थित ‘ध्यान फाऊंडेशन’ या संस्थेतर्फे गोशाळा चालवून भटक्‍या गुरांना आसरा दिला जातो. आजपर्यंतचे त्‍यांचे काम पाहिल्यास ते उत्तम कामगिरी करीत असल्याचे दिसून येते.

Goa Dhyan Foundation
Goa Government : गोवा सरकारचा हलगर्जीपणा, हायकोर्टाने खडसावलं

केपे तालुक्यात ‘ध्यान फाऊंडेशन’च्या दोन गोशाळा एक जांबावली व दुसरी किटल-फातर्पा येथे आहे. या संस्थेतर्फे जखमी गुरांवर उपचार करण्यासाठी शिरवई येथे खास दवाखाना उभारण्‍यात आला आहे.

ध्यान फाऊंडेशनच्या राज्य समन्वयक स्वाती शिलकर यांनी दिलेल्या माहितीनुसार, केपे तालुक्यातील या दोन्ही गोशाळांत सुमारे एक हजार गुरे असून त्यांची योग्य काळजी घेण्यासाठी कामगारांची नेमणूक करण्‍यात आली आहे. दक्षिण गोव्यातून भटक्या गुरांविषयी तक्रारी आल्यास लगेच गुरांना वाहनात घालून आम्ही किटल किंवा जांबावली येथील गोशाळेत आणतो.

Goa Dhyan Foundation
Success Story : शिक्षक नसलेल्या शाळेला त्याने कवेत घेतलं; सांगेतील तरुणाची प्रेरणादायी कथा

भटकी गुरे रात्रीच्या वेळी भर रस्त्यावर ठाण मांडून बसत असल्याने बऱ्याच वेळा अपघातात घडतात. त्‍यामुळे गुरे गंभीर जखमी होण्याचे प्रकार वारंवार घडतात, असे शिलकर यांनी सांगितले.

गुरांची चोरी करून कत्तलखान्यात नेण्याचा प्रयत्न केला जातो. अशावेळी त्यांच्या तावडीतून जनावरांची सुटका करण्‍यासाठी आमचे कार्यकर्ते प्रयत्‍न करतात. ‘ध्यान फाऊंडेशन’ जखमी गुरांचे प्राण वाचविण्‍यास प्रथम प्राधान्‍य देते. देशभरात ध्यान फाऊंडेशनच्या अनेक गोशाळा असून त्‍यात सुमारे 50 हजार गुरे आहेत.

राजस्‍थानी समाजाचे चांगले योगदान: दक्षिण गोव्यात असलेल्या दोन्ही गोशाळांना सरकारकडून निधी उपलब्ध होत असतो. तसेच अनेक सामाजिक संस्थांकडूनही वेळोवेळी मदत केली जाते. सध्या ध्‍यान फाऊंडेशनकडे तीन वाहने असून, ती जुनी झाली आहेत.

जांबावली येथे असलेल्या गोशाळेला राजस्थानी समाजाचे चांगले योगदान लाभत आहे.त्यांनी जनावरांसाठी नवीन शेड बांधून दिली असून वेळोवेळी जनावरांना अन्नही पुरवित आहेत. ध्यान फाऊंडेशन भटक्या जनावरांसाठी एक वरदान ठरले असून कुठेही जखमी गुरे दृष्टीस पडल्यास किंवा त्‍यांचा जीव धोक्‍यात आल्‍यास त्‍यांच्‍या सुटकेसाठी पावले उचलली जातात.

Goa Dhyan Foundation
Goa Petrol Diesel Price| सलग तिसऱ्या दिवशी कच्चे तेल स्वस्त, जाणून घ्या गोव्यात इंधनाचे दर किती?

स्वाती शिलकर, ध्यान फाऊंडेशनच्या राज्य समन्वयक-

केपे तालुक्यात ‘ध्यान फाऊंडेशन’च्या दोन गोशाळा आहेत. त्‍यातील एक जांबावली येथे तर दुसरी किटल-फातर्पा येथे आहे. संस्थेतर्फे जखमी गुरांवर उपचार करण्यासाठी शिरवई येथे खास दवाखाना उभारण्‍यात आला आहे. या दोन्ही गोशाळांत सुमारे एक हजार गुरे असून त्यांची योग्य काळजी घेण्यासाठी कामगारांची नेमणूक करण्‍यात आली आहे. गुरांबाबत तक्रारी आल्यास लगेच आम्‍ही त्‍यांना वाहनात घालून गोशाळेत आणतो.

Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.

दैनिक गोमन्तक आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, इन्स्टाग्राम, ट्विटर, शेअर चॅट आणि टेलिग्राम आम्हाला फॉलो करा. तसेच, दैनिक गोमन्तकच्या यूट्यूब चॅनेलला आजच सबस्क्राइब करा.

Related Stories

No stories found.
Dainik Gomantak | दैनिक गोमन्तक
www.dainikgomantak.com