डिचोलीत कोरोना नियंत्रणात

Dicholet corona under control
Dicholet corona under control


डिचोली:  डिचोली तालुक्यात कोरोनाचा संसर्ग नियंत्रणात येत असून, कालच्या तुलनेत आज बुधवारी तालुक्यात रुग्णसंख्येत कमालीची घट  झाली आहे. आज तालुक्यात केवळ ५ नवे कोरोना संक्रमित रुग्ण आढळून आले आहेत. तर डिचोलीतील कोविड सुविधा केंद्रात आजही एकही रुग्ण नसल्याची माहिती मिळाली आहे. आज मये विभागात एकही कोरोनाबाधित रुग्ण आढळून आला नाही.

डिचोली विभागात केवळ २तर साखळी  विभागात 3 कोरोनाबाधित रुग्ण आढळून आलेले आहेत. अशी माहिती डिचोलीच्या मामलेदार कार्यालयातून उपलब्ध झाली आहे. बुधवारी  डिचोली विभागात ३३ मये विभागात ३० आणि साखळी विभागात २४ मिळून तालुक्यात एकूण ८७ कोरोनाचे सक्रिय रुग्ण असल्याची माहिती मिळाली आहे.

आज तालुक्यातील   मये विभागात ३ आणि साखळी विभागात ४ मिळून ७ रुग्ण बरे झाले आहेत. डिचोलीत-३०, मयेत-30 आणि साखळीत-२० मिळून ८० रुग्णांना होम आयसोलेशनमध्ये ठेवण्यात आले आहेत. डिचोलीतील ३ आणि साखळीतील ४ मिळून तालुक्यातील ७ रुग्णांवर कोविड रुग्णालयात उपचार चालू आहेत, अशी माहिती डिचोलीच्या मामलेदार कार्यालयातून मिळाली आहे.

Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.

दैनिक गोमन्तक आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, इन्स्टाग्राम, ट्विटर, शेअर चॅट आणि टेलिग्राम आम्हाला फॉलो करा. तसेच, दैनिक गोमन्तकच्या यूट्यूब चॅनेलला आजच सबस्क्राइब करा.

Related Stories

No stories found.
Dainik Gomantak | दैनिक गोमन्तक
dainikgomantak.esakal.com