Dinesh Gundu Rao : फुटीर आमदारांना प्रत्येकी 40 कोटी!

जनता शिकवेल धडा
Dinesh Gundu Rao on goa congress rebel
Dinesh Gundu Rao on goa congress rebel Dainik Gomantak

पणजी : गोव्याच्या राजकारणात बेसुमार पैशांचा वापर केला जात आहे. काँग्रेस आमदारांना फोडण्यासाठी भाजपने प्रत्येकी 40कोटी रुपये दिलेत, असा गंभीर आरोप गोवा प्रदेश काँग्रेस प्रभारी दिनेश गुंडू राव यांनी केला आहे. ‘पक्षांतराचे एकही कारण नसताना त्यांनी हा निर्णय घेतला. आमच्या आमदारांनी पक्षांतर केल्याबद्दल काँग्रेसच्या वतीने मी गोमंतकीयांची माफी मागतो,’ अशी प्रतिक्रिया गुंडू राव यांनी आज दिली.

पणजी येथे घेतलेल्या पत्रकार परिषदेत ते बोलत होते. यावेळी प्रदेशाध्यक्ष अमित पाटकर, दक्षिण गोव्याचे खासदार फ्रान्सिस सार्दिन व इतर मान्यवर उपस्थित होते. ‘जनतेचा विश्‍वासघात करून आमदारांनी मोठा गुन्हा केला आहे. निवडणुकीपूर्वी त्यांनी देवापुढे घेतलेली शपथ आणि पाच वर्षे काँग्रेससोबत राहणार असल्याच्या प्रतिज्ञापत्रावर विश्‍वास ठेऊन लोकांनी त्यांना मतदान केले. त्यांनी जनतेशी दगाफटका केला असून मतदार त्यांना योग्य धडा शिकवतील, असेही गुंडू राव म्हणाले.

Dinesh Gundu Rao on goa congress rebel
Goa Congress Rebel : दिगंबर यांची अमित शहांशी भेट; सरकारच्या रचनेसंदर्भात चर्चा

तपास यंत्रणांची भीती

आमदार फोडण्यासाठी पैशांच्या व्यतिरिक्त तपास यंत्रणांचा वापर देखील केला गेला. हे सोडल्यास पक्षांतर करण्याचे दुसरे कोणतेच कारण दिसत नाही. काही जण म्हणतात की विकासासाठी गेले आहे. विरोधात राहून विकास करता येत नाही, ही गोष्ट चुकीची आहे. या आठ जणांनी मतदारांचा विश्‍वासघात केला आहे, अशी टीका गुंडू राव यांनी केली.

‘भारत जोडो’मुळे भाजप बिथरला

राहुल गांधी यांनी ‘भारत जोडो’ यात्रेमुळे बिथरलेल्या भाजपने ही फूट घडवली. आगामी लोकसभा निवडणुकीपूर्वी त्यांनी विरोधकांना संपवण्याचा विडा उचलला आहे. त्यासाठीच गोव्यातील आमदारांना पक्षात सामावून घेण्यात आले आहे. याचा भाजपला निश्‍चित फटका बसेल, असा दावा गुंडू राव यांनी केला.

Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.

दैनिक गोमन्तक आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, इन्स्टाग्राम, ट्विटर, शेअर चॅट आणि टेलिग्राम आम्हाला फॉलो करा. तसेच, दैनिक गोमन्तकच्या यूट्यूब चॅनेलला आजच सबस्क्राइब करा.

Related Stories

No stories found.
Dainik Gomantak | दैनिक गोमन्तक
www.dainikgomantak.com