माशेल कदंब बसस्थानकावर दीपोत्सव

आकाशकंदील, रांगोळी निर्मितीला उत्स्फूर्त प्रतिसाद
माशेल कदंब बसस्थानकावर दीपोत्सव
माशेल कदंब बसस्थानकावर दीपोत्सवDainik Gomantak

खांडोळा: डिस्कव्हरी विनोती` व `मायबोली` संस्थेतर्फे आयोजित दीपोत्सव कार्यक्रमात रविवारी आकाशकंदील व रांगोळी निर्मितीला उत्स्फूर्त प्रतिसाद लाभला. आज सकाळी 9 वा. पासून आकाशकंदील बनविण्यात कलाकार दंग होते. विविध प्रकारचे आकाशकंदील तयार करण्यासाठी स्थानिक युवक, युवती, छोटी मुलेसुद्धा सहभागी झाल होती. पर्यावरण पूरक आकाशकंदील करण्याकडे अनेकांचा कल होता. राज्यात सगळीकडे नव्याचा सण, उत्सव उत्सव साजरा केला जात आहे. ताग, कपडा, पेपर अशा साहित्याचा वापर करून विविध आकाशकंदील तयार करण्यात आले.

भाताची मळणी, कापणी सुरू आहे. अशा काळात शेतातील भाताची कणसं, भात घेऊन घेऊन आकाशकंदीलही काहींनी तयार केला. एक प्रकारे दीपोत्सवात अशा प्रकारचा आकाशकंदील तयार करून नव्या धान्याची एक आगळी वेगळ्या पूजेची तयारी केली. अशा पर्यावरणपूरक आकाशकंदीलाद्वारे दीपोत्सव करणे म्हणजे पारंपरिकता जपताना निसर्ग पूजनही होत आहे, असे मत डिस्कव्हरी विनोतीचे संतोष तारी यांनी व्यक्त केले.

माशेल कदंब बसस्थानकावर दीपोत्सव
‘IITF’ दिल्ली येथे गोवा पॅव्हेलियनचे उद्‍घाटन

बांबूपासून अनेक प्रकारेच उपयोगी साहित्य तयार केले जाते, पण या स्पर्धेसाठी सुंदरपद्धतीने आकाश कंदील करण्यात आला. त्याचप्रमाणे रांगोळी स्पर्धेतही स्थानिक महिलांचे कौशल्य जाणवले, असे मत मायबोलीचे अभिजित सुर्वे, प्रताप वळवईकर यांनी व्यक्त केले. आकाशकंदील स्पर्धेत नाताशा शिरोडकर, त्रिशा फडते, साहिल नार्वेकर, विशाल माने, दिव्या फुलारी, अशिष नार्वेकर, ह्रषिकेश म्हार्दोळकर, लक्ष्मीकांत नार्वेकर, डॉ. चेतना परब, राहुल तारी, परिंदा गावकर व इतरांनी भाग घेतला. रिया शेट, अर्चना नाईक यांनीही खास रांगोळी सजावट केली होती, त्यांनी खूपच आकर्षक पद्धतीने रांगोळी रेखाटली होती. कडकडे यांचे आज गायन‘ डिस्कव्हरी विनोती अंतरा’तर्फे कदंब बसस्थानकावरील सभागृहात आज संध्याकाळी 7 वाजता अजित कडकडे यांचा गायनाचा कार्यक्रम होणार आहे.

Related Stories

No stories found.
Dainik Gomantak | दैनिक गोमन्तक
www.dainikgomantak.com