म्हापसा जामा मशीदची सभा बंदोबस्तात

विरोधींना प्रवेश नाकारला ; निष्कासित सदस्यांच्या याचिकेवर आज सुनावणी
Dispute in Jama Masjid Goa
Dispute in Jama Masjid GoaDainik Gomantak

म्हापसा : आंगड-म्हापसा येथील जामा मशिदीची वार्षिक सर्वसाधारण सभा फिरोज कटवेलिया यांच्या नेतृत्त्वात रविवारी (ता.24) पोलिस संरक्षणात अखेर पार पडली. ही सभा बेकायदेशीर असल्याचा आरोप करणाऱ्या विरोधी गटाचे फिरोज खान व त्यांच्या सहकाऱ्यांना सभेत प्रवेश नाकारण्यात आला.

दरम्यान, आम्हाला निष्कासित केल्याचा दावा कमिटीवाले करतात. पण त्याबद्दल कुठलीही नोटीस मला किंवा इतरांना मिळालेली नाही. याच आमसभेविषयी आम्ही उच्च न्यायालयात याचिका दाखल केली असून, सोमवारी (ता.25जुलै) सुनावणी आहे,असे खान यांनी सांगितले.

(Dispute in Jama Masjid Goa)

Dispute in Jama Masjid Goa
Goa Petrol-Diesel Price : काय आहेत गोव्यातील आजचे पेट्रोल-डिझेलचे दर? सविस्तर घ्या जाणून

या सभेच्या स्थळी बार्देशचे मामलेदार शैलेंद्र देसाई, निरीक्षक परेश नाईक, उपनिरीक्षक विरोज कोरगांवकर, बाबलो परब, महिला उपनिरीक्षक विभा वळवईकर या हजर होत्या.

कमिटीचे नोंदणीकृत सदस्य असताना आम्हाला सभेत प्रवेश डावलला जातोय. सभेत सोडण्याची मागणी आम्ही पोलिसांना केली, परंतु आमचे ऐकून घेतले नाही. विद्यमान कमिटीची हुकूमशाही सुरू असून, नोंदणीकृत सदस्यांना ते हक्कांपासून वंचित ठेवत आहेत.

-फिरोज खान, विरोधी गट

याच मशिदीची सर्वसाधारण सभा दि. 19 जून रोजी होती. मात्र, त्यावेळीही याच विरोधी गटाने बेकायदेशीरपणे नवीन सदस्यांची नोंदणी करून, त्यांना सभेत प्रवेश दिल्याचा दावा करून गोंधळ घातलेला होता. त्यामुळे ती सभा बरखास्त करावी लागली होती. ती ता.२४ जुलैला पोलिस संरक्षणात पार पडली.

- फिरोज कवटेलिया, अध्यक्ष जामा मशीद

11 सप्टेंबरला निवडणूक

जामा मशिदीचे अध्यक्ष फिरोज कटवेलिया म्हणाले, आजची सर्वसाधरण सभा पोलिस संरक्षणात शांततेत पार पडली. ज्या सदस्यांना निष्कासित केले होते, त्यांना सभेत प्रवेश दिला नाही. जामा मशिदीच्या व्यवस्थापन कमिटीसाठी 11 सप्टेंबर रोजी निवडणूक होईल. त्यासाठी पाच सदस्यीय समिती आहे.

Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.

दैनिक गोमन्तक आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, इन्स्टाग्राम, ट्विटर, शेअर चॅट आणि टेलिग्राम आम्हाला फॉलो करा. तसेच, दैनिक गोमन्तकच्या यूट्यूब चॅनेलला आजच सबस्क्राइब करा.

Related Stories

No stories found.
Dainik Gomantak | दैनिक गोमन्तक
www.dainikgomantak.com