जिल्हा पंचायत निवडणुकीला उच्च न्यायालयात आव्हान

District Panchayat election challenged in High Court
District Panchayat election challenged in High Court

पणजी: कोविड - १९ च्या पार्श्‍वभूमीवर संस्थगित ठेवण्यात आलेली जिल्हा पंचायत निवडणूक पुन्हा घेण्याच्या सरकारच्या हालचाली सुरू झाल्या आहेत. या निवडणुकीलाच केवल मयेकर व सुदीप ताम्हणकर यांनी जनहित याचिकेद्वारे आव्हान दिले आहे. ही याचिका आज सुनावणीस आली असता मुंबई उच्च न्यायालयाच्या गोवा खंडपीठाने याचिकेतील प्रतिवादी राज्य सरकार, राज्य निवडणूक आयोग व पंचायत खात्याला नोटीस बजावली आहे. पुढील सुनावणी येत्या ८ डिसेंबरला ठेवली आहे.

दरम्यान, राज्य निवडणूक आयोगाची काल बैठक झाली व येत्या १२ डिसेंबरला निवडणूक घेण्यासंदर्भातचा प्रस्ताव सरकारला पाठवला आहे. त्यामुळे या याचिकेमुळे या जिल्हा पंचायतीच्या निवडणुकीवर काय परिणाम होतो याकडे मतदारांचे लक्ष लागले आहे. ही निवडणूक संस्थगित ठेवून ९ महिने उलटून गेले आहेत. निवडणूक पुढे ढकलताना आचारसंहिता उठविण्यात आली होती. त्यामुळे पुन्हा ही निवडणूक घेण्यासाठी आचारसंहिता लागू होणार आहे ती घटनेनुसार होऊ शकत नाही. पुन्हा नव्याने निवडणूक प्रक्रिया घेण्याची गरज आहे असा दावा याचिकादारांनी केला आहे.

आणखी वाचा:

Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.

दैनिक गोमन्तक आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, इन्स्टाग्राम, ट्विटर, शेअर चॅट आणि टेलिग्राम आम्हाला फॉलो करा. तसेच, दैनिक गोमन्तकच्या यूट्यूब चॅनेलला आजच सबस्क्राइब करा.

Related Stories

No stories found.
Dainik Gomantak | दैनिक गोमन्तक
dainikgomantak.esakal.com