गेल्या अनेक वर्षांपासून रखडलेली दोना पावला-वास्को फेरीबोट जलमार्ग सेवा लवकरच सुरू होण्याची शक्यता केंद्रीय बंदर आणि जलमार्ग राज्यमंत्री श्रीपाद नाईक यांनी व्यक्त केले आहे. नाईक यांनी तसे ट्टीट केल्‍यानंतर त्‍याची दखल पंतप्रधान नरेंद्र मोदी यांनी घेतली. ही सेवा स्थानिकांसाठी दिलासादायक ठरेल, असे त्‍यांनी रिट्टवीटही केले.
दोना पावला - वास्को फेरीबोट सेवा पुन्हा सुरू करण्याबाबत आता केंद्रीय पातळीवर हालचाली सुरू झाल्या आहेत. या जलमार्ग सेवेमुळे हे अंतर ९ किमीने कमी होणार असून, २० मिनिटांत पोहोचणे शक्य होणार आहे, असे केंद्रीय बंदर आणि जलमार्ग राज्यमंत्री नाईक यांनी केलेल्या ट्विटवर पंतप्रधान नरेंद्र मोदी यांनी ट्विटनेच उत्तर देत समाधान व्यक्त केले आहे. या जलमार्गामुळे पणजी ते वास्को या मार्गावर प्रवास करणाऱ्यांना लोकांना दिलासा तसेच पर्यटनालाही प्रोत्साहन मिळणार असे म्हटले आहे.
राष्‍ट्रीय जलमार्गासाठीच्या कामासंदर्भात राज्य सरकारने प्राधान्यक्रमाने पुढाकार घेण्याची गरज आहे. दोना पावला - वास्को या जलमार्गासाठी तयारी सुरू झाली आहे. मात्र, मुरगाव बंदर येथे या जेटीचे काम झालेले नाही. त्यामुळे सरकारने या जेटीचे काम हाती घ्यावे. रो-रो फेरीसेवा सुरू झाल्यास या मोठ्या बोटीमधून वाहनांचे ने-आण करणे शक्य होईल.
- श्रीपाद नाईक, केंद्रीय पर्यटन राज्यमंत्री
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.
दैनिक गोमन्तक आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, इन्स्टाग्राम, ट्विटर, शेअर चॅट आणि टेलिग्राम आम्हाला फॉलो करा. तसेच, दैनिक गोमन्तकच्या यूट्यूब चॅनेलला आजच सबस्क्राइब करा.
