व्यवसाय कायदेशीर असल्यास लोबोंनी घाबरू नये: सदानंद तानावडे

चूक नसेल तर सिद्ध करा ; राणे यांच्याकडून प्रशासकीय कारवाई
व्यवसाय कायदेशीर असल्यास लोबोंनी घाबरू नये: सदानंद तानावडे
Sadanand Tanawade Statement on Michael LoboDainik Gomantak

म्हापसा : विरोधी पक्षनेता मायकल लोबो यांना सरकारकडून निवडक लक्ष्य होत असल्याच्या कथित आरोपांचे खंडन करताना भाजपा प्रदेशाध्यक्ष सदानंद तानावडे म्हणाले, मुळात जर लोबो यांचा व्यवसाय कायदेशीर असेल तर त्यांना घाबरण्याचे कारणच नाही. लोबोंनी चूक केली आहे की नाही, हे चौकशीवेळी समजेलच असा टोला त्यांनी लोबो यांच्यावर लगावला.

Sadanand Tanawade Statement on Michael Lobo
लोबो यांनी सहानुभूती घेऊ नये : यतीश नाईक

सोमवारी (ता. 13) म्हापशात ‘ई-श्रम कार्ड’निमित्त आयोजित कार्यक्रमानंतर ते माध्यमांशी बोलत होते. ते म्हणाले, मुळात मला लोबोंविषयी भाष्य करायचे नाही. कारण, ते काही भाजपाचे सदस्य नाहीत. ते आता विरोधी पक्षनेता आहेत. सध्या काँग्रेसचे प्रदेशाध्यक्ष अमित पाटकर हे त्यांच्या समर्थनात बोलत आहेत. पण, पाटकरांना याप्रश्नी किती माहिती आहे? याची मला कल्पना नाही, अशी प्रतिक्रिया तानावडे यांनी दिली.

भाजपाचे मंत्री विश्वजीत राणे यांना मिळालेल्या माहितीनुसार, ते प्रशासकीय कारवाई करीत आहेत. आता हे आरोप बरोबर की चूक आहेत, ते विरोधी पक्षनेता लोबो यांनी सिद्ध करावेत, असेही तानावडे म्हणाले.

भाजपात काँग्रेसचे दहा आमदार प्रवेश करणार अशा बातम्या ऐकू येताहेत, याप्रश्नी विचारले असता सदानंद तानावडे म्हणाले की, यासंदर्भात माझ्याकडे अजून एकाही आमदाराने संपर्क साधलेला नाही. जोपर्यंत प्रदेशाध्यक्षांना माहिती दिली जात नाही, तोवर पक्षात कुणालाच घेतले जात नाही. जरी कुणी केंद्राकडे थेट गेले असल्यास मला माहिती पुरविली जाईल.

मात्र, आजपर्यंत किंवा आतापर्यंत मला अशी कुठलीच माहिती मिळालेली नाही, असे स्पष्टीकरण तानावडे यांनी दिले. सध्या भाजपाचे राज्यात भक्कम सरकार आहे. यात भाजपाचे 20 आमदार, मगोपचे दोन तर अपक्ष तीन आमदारांचा पाठिंबा असून सरकारचे बऱ्यापैकी काम सुरू असल्याचे त्यांनी स्पष्ट केले.

Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.

दैनिक गोमन्तक आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, इन्स्टाग्राम, ट्विटर, शेअर चॅट आणि टेलिग्राम आम्हाला फॉलो करा. तसेच, दैनिक गोमन्तकच्या यूट्यूब चॅनेलला आजच सबस्क्राइब करा.

Related Stories

No stories found.
Dainik Gomantak | दैनिक गोमन्तक
www.dainikgomantak.com