Ibrampur : सूत्रसंचालक संवाद साधणारा ‘सेतू’ - डॉ. उदय कुडाळकर

डॉ. उदय कुडाळकर : माऊली क्रिएशन्सतर्फे इब्रामपूरमध्ये कार्यशाळा
Dr. Uday Kudalkar Workshop in Ibrampur by Mauli Creations
Dr. Uday Kudalkar Workshop in Ibrampur by Mauli CreationsDainik Gomantak

मोरजी : सूत्रसंचालन ही जशी एक कला असून ते एक शास्त्रही आहे. सूत्रसंचालक हा व्यासपीठ आणि श्रोते- प्रेक्षक यांच्यातील संवाद साधणारा सेतू असतो. संवादामध्ये रंजकता आणून समर्पक शब्दांनी पुन्हा-पुन्हा श्रोत्यांना गुंतवून ठेवण्याचे काम सूत्रसंचालक करतो, असे मत गोवा वैद्यकीय महाविद्यालयाचे साहाय्यक प्राध्यापक डॉ. उदय कुडाळकर यांनी केले.

इब्रामपूर पेडणे येथे माऊली क्रिएशन्सतर्फे आयोजित केलेल्या सूत्रसंचालन कार्यशाळेच्या उद्‍घाटन कार्यक्रमाप्रसंगी डॉ. उदय कुडाळकर प्रमुख पाहुणे या नात्याने बोलत होते.

व्यासपीठावर इब्रामपूर हणखणे ग्रामपंचायतीचे सरपंच अशोक धावसकर, कार्यशाळेचे मार्गदर्शक अरविंद नाईक, पंच रोशन गवस, नवचेतना युवक संघाचे अध्यक्ष कृष्णा पालयेकर, फुले शाहू आंबेडकर प्रतिष्ठानचे अध्यक्ष महादेव गवंडी, छत्रपती शाहू प्रतिष्ठानचे संस्थापक परेश परवार, माऊली क्रिएशन्सचे अध्यक्ष दीपक शिरोडकर आदी उपस्थित होते.

सरपंच अशोक धावसकर म्हणाले, विविध कार्यक्रमांत सुसूत्रता आणण्यासाठी व दर्जा वाढविण्यासाठी नवोदितांना मार्गदर्शन व्हावे, यासाठी माऊली क्रिएशनतर्फे सूत्रसंचालन कार्यशाळेचे आयोजन करण्यात आले आहे. कृष्णा पालयेकर व परेश पवार यांनीही आपले विचार व्यक्त केले.

Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.

दैनिक गोमन्तक आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, इन्स्टाग्राम, ट्विटर, शेअर चॅट आणि टेलिग्राम आम्हाला फॉलो करा. तसेच, दैनिक गोमन्तकच्या यूट्यूब चॅनेलला आजच सबस्क्राइब करा.

Related Stories

No stories found.
Dainik Gomantak | दैनिक गोमन्तक
dainikgomantak.esakal.com