पणजी : राज्याच्या विकासासाठी उद्योगांचे योगदान मोठे असून राज्यात प्रदूषणमुक्त स्वच्छ उद्योग यावेत यासाठी राज्य सरकारने तयार केलेल्या गोवा औद्योगिक वाढ आणि गुंतवणूक प्रोत्साहन धोरण 2022 चा मसुदा येत्या अधिवेशनापर्यंत सर्वांसाठी खुला करण्यात येत आहे. त्यासाठी उद्योजक, नागरिकांकडून सूचना मागवण्यात आल्या आहेत, अशी माहिती उद्योगमंत्री माविन गुदिन्हो यांनी दिली. यावेळी गोवा औद्योगिक विकास महामंडळाचे अध्यक्ष आलेक्स रेजिनाल्ड, सरव्यवस्थापक श्वेतिका, उद्योग सचिव कन्ना वेलू उपस्थित होते.
मंत्री गुदिन्हो पुढे म्हणाले की, नवीन औद्योगिक धोरण उद्योग वाढीला तसेच आयटी आणि पर्यटन उद्योगाला प्रोत्साहन देणारे असून राज्यात गुंतवणूक वाढवणारे असेच आहे.
सिंगल विंडो क्लिअरन्स आणि एकच फॉर्म
उद्योगांच्या सोयीसाठी सिंगल विंडो क्लिअरन्स यंत्रणा आहे. मोठ्या उद्योगांना परवानग्या देण्यासाठी जास्तीत जास्त 3 महिने आणि छोट्या उद्योगांसाठी 2 महिन्यांचा कालावधी असेल. एकच अर्ज सर्व विभागांना पाठवला जाईल. जमीन वापरात बदल करण्यासाठी गुंतवणूक प्रोत्साहन मंडळाला अधिकार दिले जातील, असे मंत्री गुदिन्हो यांनी सांगितले.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.
दैनिक गोमन्तक आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, इन्स्टाग्राम, ट्विटर, शेअर चॅट आणि टेलिग्राम आम्हाला फॉलो करा. तसेच, दैनिक गोमन्तकच्या यूट्यूब चॅनेलला आजच सबस्क्राइब करा.
