एकीकडे गोवा पोलिस वाहतुकीचे नियम तयार करून रस्ते अपघात रोखण्यासाठी आटोकाट प्रयत्न करत असतानाच दुसरीकडे बेकायदेशीररित्या दुचाकींची शर्यत लावून जीवाशी खेळ खेळला जात आहे.
वेर्णा पठारावर पुन्हा ड्रॅग रेस आयोजित करण्यात आली असून या दुचाकी शर्यतीचा व्हिडिओ सध्या सोशल मीडियावर चांगलाच व्हायरल झाला आहे. परंतु पोलिस म्हणतात, आम्हाला याची काहीच माहिती नाही.
या व्हिडिओत भर रस्त्यावर दुचाकी शर्यतींचे आयोजन केले गेले असून दोन दुचाकीस्वार भर वेगने दुचाकी पळवताना दिसतात. या रेसचे आयोजन कुणी केले होते, याबाबत अद्याप माहिती प्राप्त झालेली नाही.
काही दिवसांपूर्वी म्हापसा येथे बाईक रेसचे आयोजन करण्यात आले होते. या स्पर्धेत प्रात्यक्षिक करताना झालेल्या अपघातात एका मोटारसायकलस्वाराचा दुर्दैवी मृत्यू झाला होता. तरीही पोलिस या रेसकडे दुर्लक्ष करत आहेत.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.
दैनिक गोमन्तक आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, इन्स्टाग्राम, ट्विटर, शेअर चॅट आणि टेलिग्राम आम्हाला फॉलो करा. तसेच, दैनिक गोमन्तकच्या यूट्यूब चॅनेलला आजच सबस्क्राइब करा.
