Land Grabbing Case : तपासाला वेग; बार्देश ‘मामलेदार’चा चालक गजाआड

योगेश वझरकरला अटक : जमीन हडप प्रकरणात विशेष तपास पथकाची कारवाई
Land Scam
Land ScamDainik Gomantak

Land Grabbing Case : राज्यातील जमीन हडपप्रकरणी एसआयटीने सखोल चौकशीस सुरवात केल्यानंतर बोगस दस्तावेजद्वारे जमीन विक्री करणाऱ्या अनेक दलालांना गजाआड करण्यात आले आहे. या प्रकरणामध्ये अटक केलेल्या व सध्या जामिनावर असलेल्या ‘मास्टरमाईंड्स’ना म्युटेशन्सच्या कामासाठी नेहमी संपर्कात असलेल्या बार्देश मामलेदार कार्यालयातील वाहन चालक योगेश वझरकर (47) याला अटक झाली. अटक झालेला हा तिसरा सरकारी कर्मचारी आहे. यापूर्वी पुरातन खात्यातील दोघांना अटक झाली होती.

डिचोली येथे रहिवासी असलेला संशयित योगेश वझरकर हा बार्देश मामलेदार कार्यालयात चालक म्हणून कामाला आहे. बार्देश मामलेदार कार्यालयातील मामलेदार राहुल देसाई याच्याविरुद्ध एसआयटीने गुन्हा दाखल केला असला तरी अजूनही त्याला अटक झाली नाही की त्याला निलंबित करण्यात आलेले नाही. त्याला मामलेदार पदावरून हटवण्यातही आलेले नाही. मात्र, त्याच्या कार्यालयातील चालक असलेला योगेश वझरकर याला एसआयटीने कारवाई करून अटक केली आहे. त्याला मंगळवारी म्हापसा न्यायालयात उभे केले जाणार आहे.

Land Scam
Goa Rain Update : गोव्यातील पावसाची शंभरी पार

दस्तावेज मंजुरीसाठी करायचा शिफारस

संशयित योगेश वझरकर हा बनावट दस्तावेज तयार करून जमीन विक्री प्रकरणांमध्ये गुंतलेल्या टोळ्यांसाठी त्यांचे दस्तावेज मामलेदारापर्यंत पोचवण्याचे काम करत होता. त्याने संशयित मोहम्मद सुहेल, विक्रांत शेट्टी, राजकुमार मैथी, रॉयसन रॉड्रिग्ज तसेच सँड्रिक फर्नांडिस या दलालांचे दस्तावेज मामलेदार कार्यालयात लवकर मंजूर करण्यासाठी तसेच त्यांची शिफारस मामलेदारांकडे करत होता. या कटकारस्थानमध्ये त्याचाही सहभाग असल्याचे एसआयटीने केलेल्या तपासातून समोर आले आहे.

Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.

दैनिक गोमन्तक आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, इन्स्टाग्राम, ट्विटर, शेअर चॅट आणि टेलिग्राम आम्हाला फॉलो करा. तसेच, दैनिक गोमन्तकच्या यूट्यूब चॅनेलला आजच सबस्क्राइब करा.

Related Stories

No stories found.
Dainik Gomantak | दैनिक गोमन्तक
www.dainikgomantak.com