गोवा हे पर्यटकांचे आवडते ठिकाण असल्यामुळे वर्षाचे अगदी बाराही महीने गोव्यात देशी-परदेशी पर्यटकांची रेलचेल सुरू असते. दरम्यान सुट्टी, आणि पर्यटनाच्या अति उत्साहात बऱ्याचशा पर्यटकांकडून नियमांचे उल्लंघनही होते. सध्या पावसाने हजेरी लावल्याने राज्यात मॉन्सून पर्यटनाने जोर धरला आहे.
सुट्टी घालवण्यासाठी गोव्यात दाखल झालेल्या काही पर्यटकांना अपघात केल्याप्रकरणी म्हापसा पोलिसांनी ताब्यात घेतले आहे.
मद्यधुंद अवस्थेत गाडी चालवल्यामुळे कार आणि चार दुचाकीस्वारांचा अपघात घडला आहे. कारचालकाने रस्त्यात तब्बल चार दुचाकीस्वारांना धडक मारली. यामध्ये अपघातग्रस्त कारचालक आणि पर्यटक महिलेला म्हापसा पोलिसांनी ताब्यात घेतले आहे. यासंबंधी पुढील तपास सुरू आहे.
ओशेलबाग-धारगळ येथे राष्ट्रीय महामार्गावर आज पहाटे पाचच्‍या सुमारास कारने उभ्‍या असलेल्‍या ट्रकला मागून धडक दिल्‍यामुळे झालेल्या अपघातात तिघे गंभीर जखमी झाले तर दोघांना किरकोळ दुखापत झाली. जखमी झालेले सर्वजण महाराष्‍ट्रातील आहेत. जखमींना उपचारांसाठी इस्‍पितळात दाखल करण्‍यात आले आहे.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.
दैनिक गोमन्तक आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, इन्स्टाग्राम, ट्विटर, शेअर चॅट आणि टेलिग्राम आम्हाला फॉलो करा. तसेच, दैनिक गोमन्तकच्या यूट्यूब चॅनेलला आजच सबस्क्राइब करा.
