Goa News
Goa NewsDainik Gomantak

Goa News: जी-20’ मुळे आंतरराष्ट्रीय स्तरावर गोवा संमेलन स्थळ म्हणून गाजेल- सदानंद शेट तानावडे

प्रदेश कार्यकारिणीत पंतप्रधानांचे अभिनंदन

एप्रिल ते जुलै 2023 या कालावधीत होणाऱ्या ‘जी-20’ गटांच्या आठ महत्त्वाच्या बैठकांचे यजमानपद गोव्याला लाभले आहे, ही अभिमानाची बाब आहे. यामुळे गोव्याची आंतरराष्ट्रीय स्तरावर पर्यटनस्थळ तसेच संमेलन स्थळ म्हणून प्रतिमा उंचावण्यात मदत होईल, असे भाजप प्रदेशाध्यक्ष सदानंद शेट तानावडे यांनी प्रदेश कार्यकारिणीच्या बैठकीनंतर घेतलेल्या पत्रकार परिषदेत सांगितले. या बैठकीत ‘जी-20’चे अध्यक्षपद मिळविल्याबद्दल पंतप्रधान नरेंद्र मोदी यांचे अभिनंदन करण्यात आल्याचेही त्यांनी सांगितले.

वास्कोत भाजप प्रदेश कार्यकारिणीची बैठक आज हॉटेल एचक्यू मध्ये पार पडली. या बैठकीचे उद्‍घाटन मुख्यमंत्री प्रमोद सावंत यांच्याहस्ते करण्यात आले. या बैठकीला केंद्रीय मंत्री राजीव चंद्रशेखर, राज्यसभा खासदार विनय तेंडुलकर, प्रदेशाध्यक्ष सदानंद शेट तानावडे, मंत्री रोहन खवंटे, मंत्री माविन गुदिन्हो, आमदार दाजी साळकर, मुरगावचे आमदार संकल्प आमोणकर, मुरगाव मंडळ अध्यक्ष संजय सातार्डेकर, वास्को मंडळ अध्यक्ष दीपक नाईक, दाबोळी मंडळ अध्यक्ष संदीप, मुरगावचे प्रभारी जयंत जाधव तसेच आजी-माजी मंत्री आमदार व नेतेमंडळी उपस्थित होती.

Goa News
Crime In Goa: तान्हुल्या बाळाला विकण्याचा प्रयत्न, वास्कोतील धक्कादायक प्रकार

मुख्यमंत्री सावंत यांच्या नेतृत्वाखाली विकास !

पक्षाचे राष्ट्रीय अध्यक्ष जे. पी. नड्डा यांची पक्षाध्यक्षपदी फेरनिवड झाल्याबद्दल त्यांचे कार्यकारीणी बैठकीत अभिनंदन करण्यात आले.

गोवा विधानसभा निवडणुकीसह विविध राज्यांच्या निवडणुकांमध्ये पक्षाला यश मिळवून देण्यात त्यांचा सिंहाचा वाटा आहे. आगामी लोकसभा निवडणुकीत पक्ष पुन्हा सत्ता प्राप्त करेल, असा विश्वास बैठकीत व्यक्त करण्यात आला.

केंद्रात नरेंद्र मोदी आणि राज्यात मुख्यमंत्री डॉ. प्रमोद सावंत यांच्या नेतृत्वाखाली होत असलेल्या मानव विकास आणि पायाभूत सुविधांबाबत प्रदेश कार्यकारिणी समाधान व्यक्त करत असल्याचाही ठराव घेण्यात आला,असे सदानंद शेट तानावडे यांनी सांगितले.

Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.

दैनिक गोमन्तक आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, इन्स्टाग्राम, ट्विटर, शेअर चॅट आणि टेलिग्राम आम्हाला फॉलो करा. तसेच, दैनिक गोमन्तकच्या यूट्यूब चॅनेलला आजच सबस्क्राइब करा.

Related Stories

No stories found.
logo
Dainik Gomantak | दैनिक गोमन्तक
www.dainikgomantak.com